ပါတီနှောင့်ယှက်မှုအား ရွေးကောက်ပွဲကော်မရှင်ထံ တိုင်ကြားထား

ရေးသားသူ - ကန္တာရ၀တီတိုင်း(မ်) ကြာသာပတေးနေ့, 26 သြဂုတ်လ 2010 12:16

စံနှုန်းသတ်မှတ်ပေးပါ

(3 မဲ)

ကရင်နီပြည် ကိုယ်စားပြု-လူမျိုးပေါင်းစုံ စည်းလုံးညီညွတ်ရေးနှင့် ဖွံ့ဖြိုးတိုးတက်ရေးပါတီ NUDP အား လာမည့် ရွေးကောက်ပွဲတွင် ၀င်ရောက်မယှဉ်ပြိုင်နိုင်ရန် ကြံ့ခိုင်ရေးနှင့် ဖွံ့ဖြိုးရေးအသင်းနှင့် အာဏာပိုင်တို့မှ အနှောင့်ယှက် ပေးနေမှုနှင့် ပတ်သက်ပြီး ရွေးကောက်ပွဲ ကော်မရှင်ထံ တိုင်ကြားထားသည်ဟု သိရသည်။

“ငွေရေးကြေးရေးလည်း မလုံမလောက်နဲ့ ဒီပါတီ (NUDP)ကို ပြန်ရုပ်သိမ်းလိုက်ပါလို့ လာပြောတယ်။ ပါတီအဖွဲ့တွေက မှတ်ပုံတင် ကျပြီးသား ပါတီကို ဒီလိုလာပြောတာဟာ နှောင့်ယှက်ရာကြတယ် ဆိုပြီး ပြည်နယ် ကော်မရှင်ထံ အကြောင်းကြားထားတယ်။ အခုက ပါတီကို လာပြီး စိတ်ဓာတ်ကျအောင် စစ်ဆင်ရေးထိုးနေတယ်။ ပုဂ္ဂိုလ်ရေးတွေကစ လိုက်ပြီး ပုတ်ခတ်နေတယ်” ဟု NUDP ပါတီနှင့်နီးစပ်သူ တဦးက ပြောသည်။

ယခုလ ၂၂ ရက်နေ့က စပြီး NUDP ဥက္ကဌ ပိုင်ဆိုင်သော ပုဂ္ဂလိကပိုင် စီးပွားရေး လုပ်ငန်းများကို ကြံ့ဖွံ့နှင့် ဒေသခံအာဏာပိုင်တို့ ပူးပေါင်းပြီး ပိတ်ပင်ခဲ့သည်။

USDP လိုဂို

“ပါတီကို အမျိုးမျိုး လိုက်ပြီး ရုပ်သိမ်းဖို့ ဦးဆောင်တဲ့ သူက ကိုယ့်မျက်ချည်း ကိုယ်မမြင်ပဲ သူများရဲ့ မျက်ချည်းကိုပဲ မြင်တယ်။ ၂၀၁၀ အရေးဟာ နိုင်ငံသားတွေရဲ့ အရေးပဲမို့လို့ အားလုံးက ပါဝင်ပတ်သက်တယ်ဆိုတာ ပြည်သူတိုင်းက သိကြလို့ ပါတီရဲ့လှုပ်ရှားမှုတွေနဲ့ ကြံ့ခိုင်ရေးတွေရဲ့ လှုပ်ရှားမှုတွေကို လူထုတိုင်း စောင့်ကြည့်နေကြပါပြီ” ဟု ယခု ၂၀၁၀ ခုနှစ်တွင် အသစ်ထူထောင်လိုက်သော NUDP ပါတီအား ထောက်ခံအားပေးသူ လွိုင်ကော်မြို့ခံတဦးက ပြောပါသည်။

လာမည့် နိုင်ဝင်ဘာ-၇ ရက်နေ့တွင် ကျင်းပမည့် ရွေးကောက်ပွဲတွင် NUDP ပါတီ အနေဖြင့် ကရင်နီပြည်ရှိ မြို့နယ်ခုနှစ်မြို့အား ကိုယ်စားပြု ယှဉ်ပြိုင်သွားမှာ ဖြစ်သော်လည်း မြို့နယ်ကိုယ်စားလှယ်များအတွက် ပြည်သူကြားစည်းရုံးရေး ဆင်းနိုင်ရန်နှင့် ပါတီမူပေါ်လစီများ ပြန့်နှံ့ရန် လုပ်ငန်းများ လုပ်ဆောင်နိုင်ရန် ငွေရေးကျေးရေး အခက်အခက်များ ရှိနေကြောင်း သိရှိရသည်။

NUDP ပါတီကို ပြီးခဲ့သည့် ဇူလှိုင်လ ၂၀ ရက်နေ့တွင် စတင်ဖွဲ့စည်းတည်ထောင်လိုက်ပြီးသည့်နောက် ကရင်နီပြည်တွင် ပြည်နယ်ကြံ့ဖွံ့နှင့် ရွေးကောက်ပွဲမှာ ယှဉ်ပြိုင်ရန် အဓိက ပါတီတခုလည်း ဖြစ်လာသည်။

Read 2273 times |

ပုံနှိပ်ထုပ်ဝေ News Archive

Social ရှားရင်းအတွက်

ထိုအမျိုးအစား၌ ထပ်ရှိနေသေးသောအရာများ: « တပ်ရိက္ခာအတွက် ဆန်ကို ကျေးရွာများထံ တောင်းယူ DKBA သုံးချိုး နှစ်ချိုးသည် စစ်အစိုးရ၏ နယ်ခြားစောင့်တပ်အဖြစ် အသွင်ပြောင်း »

မှတ်ချက်ပေးပါ

(အောက်ပါပုံစံကို ဖြည့်စွက်ပြီးလျှင် မှတ်ချက်များ ရေးသားနိုင်ပါသည်။ မှတ်ချက်များကို စိစစ်ပြီးမှ ဖော်ပြပေးမည် ဖြစ်ပါသဖြင့် ဤစာမျက်နှာပေါ်မှာ ချက်ချင်း မြင်ရမည်မဟုတ်ပါ။ မကြာခင် နောက်တခါ ပြန်လာပြီး မိမိ၏ မှတ်ချက်ကို ပြန်ကြည့်ပါရန် မေတ္တာရပ်ခံပါသည်။ မှတ်ချက်ဖြည့်ပြီးတဲ့အခါမှာ တခါပဲ ပေးပို့လျှင် ရပါပြီ။ ထပ်ခါတလဲ လုပ်စရာမလိုအပ်ပါ။)

ထိပ်ဆုံးပြန်တက်ရန်

ပါတီနှောင့်ယှက်မှုအား ရွေးကောက်ပွဲကော်မရှင်ထံ တိုင်ကြားထား

မှတ်ချက်ပေးပါ

သတင်းစာ

ဗွီဒီယို

ကာတွန်း

ရေဒီယို