ꤓꤛꤢꤩ꤭ꤋꤢꤪ꤬ꤓꤢꤦ꤭ ꤋꤢ꤭ꤜꤟꤢꤩꤒꤢ꤬ꤖꤥ꤬ ꤙꤤ ꤗ꤉ꤥꤙꤛꤢꤧ ꤋꤢ꤭ꤜꤟꤢꤩꤔꤛꤣ꤬꤯ (ꤐꤢꤐꤥ꤬: ꤊꤢ꤬ꤛꤢ꤭ꤜꤟꤤ꤬ꤖꤢꤨ)
ꤗ꤉ꤥꤙꤛꤢꤧ ꤓꤛꤢꤩ꤭ꤋꤢꤪ꤬ꤘꤣ ꤕꤚꤟꤢꤩꤔꤥꤊꤟꤢꤩꤙꤢꤧꤜꤟꤛꤢ꤬ ꤊꤟꤢꤩꤊꤢꤦ꤭ꤖꤢꤦ꤬ꤔꤢ ꤊꤢ꤬ꤛꤢ꤭ꤜꤟꤤ꤬ꤊꤟꤢꤩꤔꤛꤣ꤬ꤚꤢꤪ ꤗꤟꤛꤢ꤬ꤊꤜꤛꤢꤩ꤭ꤕꤚꤟꤢꤧ꤬ꤥ꤬ꤕꤟꤢꤪ ꤋꤢ꤭ꤜꤟꤢꤩꤙꤤꤔꤛꤣ꤬ ꤒꤢ꤬ꤟꤢꤩ꤬ꤔꤛꤣ꤬ꤗꤢ꤬ ꤘꤛꤢꤩꤗꤢꤦ꤭ꤢꤨ꤭ꤐꤢꤐꤥ꤬ꤙꤤ ꤓꤛꤢꤩ꤭ꤋꤢꤪ꤬ꤋꤢ꤭ꤏꤛꤢꤩꤔꤛꤣ꤬ ꤒꤢ꤬ꤕꤚꤟꤢꤧꤒꤥ꤬ ꤟꤢꤩꤒꤟꤢ꤭ꤒꤢꤦ꤭ꤗꤟꤢꤩ꤬ꤒꤟꤢ꤭ꤒꤢꤦ꤭ ꤔꤟꤤꤘꤛꤢꤩ (ꤐꤢꤐꤥ꤬: ꤊꤢ꤬ꤛꤢ꤭ꤜꤟꤤ꤬ꤖꤢꤨ)
ꤞꤤꤚꤤꤘꤢꤪ꤭ꤠꤟꤤ꤭ ꤙꤤꤢꤨ꤭ꤜꤟꤢꤩꤟꤛꤢ꤭ꤥ꤬ꤕꤟꤢꤪꤘꤛꤢꤔꤟꤤ ꤜꤥ꤬ꤒꤢ꤬ꤟꤢꤩ꤬ ꤋꤢ꤭ꤜꤟꤢꤩ꤬ꤔꤛꤣ꤬ꤗꤢ꤬ ꤛꤢꤩ꤭ꤖꤢꤨꤒꤢ꤬ꤟꤢꤩ꤬ ꤓꤢꤦꤗꤛꤢꤔꤟꤤꤜꤢꤪ꤭ꤘꤢꤦ꤬ ꤕꤚꤟꤢꤧ꤬ꤘꤣ ꤢ꤬ꤡꤛꤣꤊꤢ꤬ꤡꤛꤣꤟꤛꤢ꤭ ꤛꤢꤩ꤬ꤒꤢ꤬ꤟꤢꤩ꤬ ꤙꤤ ꤢꤧ꤬ꤞꤤ꤭ꤓꤢꤩ꤬ꤡꤛꤣꤜꤢ꤭ꤟꤤꤒꤥ꤬ ꤢ꤬ꤋꤢꤧ꤭ ꤙꤤꤔꤛꤣ꤬ꤢ꤬ꤋꤢꤧ꤭ꤗꤢ꤬ ꤗꤛꤢꤒꤢ꤬ꤘꤢꤦ꤬ꤜꤢꤪ꤭ꤒꤟꤛꤣꤡꤢꤪꤘꤣ ꤕꤛꤢꤩ꤭ꤊꤢꤨ꤭ꤞꤤ꤭ꤡꤢꤪ, ꤛꤢꤩ꤭ꤔꤛꤣ꤬ꤗꤢ꤬ ꤞꤛꤢꤊꤟꤌꤣ꤭ꤔꤢ ꤋꤢ꤭ꤜꤟꤢꤩꤘꤣꤢ꤬ꤚꤣ꤬ꤔꤛꤣ꤬ꤒꤥ꤬, ꤊꤟꤢꤩꤘꤣꤢ꤬ꤚꤣ꤬ꤞꤤ꤭ꤗꤢ꤬ ꤥ꤬ꤔꤢꤒꤥ꤬
ꤞꤤꤚꤤꤘꤢꤪ꤭ꤠꤟꤤ꤭ ꤕꤚꤟꤢꤧ꤬ꤡꤛꤣꤊꤜꤛꤢꤡꤛꤣꤊꤜꤥ꤭ ꤒꤢ꤬ꤟꤢꤩ꤬ ꤜꤟꤢꤩꤥ꤬ꤕꤟꤢꤪꤘꤛꤢꤜꤥ꤬ ꤋꤢ꤭ꤜꤟꤢꤩ
ꤊꤢ꤬ꤛꤢ꤭ꤜꤟꤤ꤬ꤊꤟꤢꤩ ꤊꤜꤛꤢꤟꤛꤢ꤭ꤔꤟꤌꤣ꤭ꤘꤣ ꤞꤤꤚꤤꤘꤢꤪ꤭ꤠꤟꤤ꤭ ꤕꤢ꤬ꤊꤢ ꤌꤢꤩꤔꤛꤣ꤬ꤗꤢ꤬ ꤡꤢꤓꤛꤢ꤬ ꤓꤢꤦꤡꤢꤩ꤭ꤟꤛꤢ꤭ꤗꤛꤢꤏꤢꤪ꤭ꤔꤟꤤꤘꤣꤙꤤ ꤢ꤬ꤚꤟꤢꤩꤋꤢꤧ꤭ ꤗꤟꤛꤢ꤬ꤊꤟꤢꤩ ꤗꤟꤢꤩ꤬ꤔꤟꤤ ꤒꤟꤢꤧ꤬ꤔ꤉ꤥꤓꤛꤢ꤬ ꤒꤢ꤬ꤕꤜꤛꤢꤩ꤬ ꤊꤢ꤬ꤛꤢ꤭ꤕ꤉ꤢꤧ꤬ꤔꤛꤣ꤬ ꤋꤥ꤭ꤑꤛꤢꤘꤣ ꤒꤟꤢꤧ꤬ꤔ꤉ꤥꤓꤛꤢ꤬ ꤒꤢ꤬ꤕꤜꤛꤢꤩ꤬ ꤊꤢ꤬ꤛꤢ꤭ꤕ꤉ꤢꤧ꤬ ꤓꤛꤣ꤭ꤊꤛꤢ꤭ꤟꤢꤪꤡꤢꤪꤙꤢꤧ꤬ꤙꤢꤧ꤬ ꤗꤟꤛꤢ꤬ꤊꤜꤛꤢꤩ꤭ ꤒꤢ꤬ꤟꤢꤩ꤬ꤔꤢ ꤛꤢꤩ꤭ꤖꤢꤨ ꤒꤢ꤬ꤟꤢꤩ꤬ ꤥ꤬ꤕꤟꤢꤪꤗꤛꤢꤓꤢꤦꤡꤢꤩ꤭ꤗꤛꤢꤔꤟꤤ ꤕꤚꤟꤢꤧ꤬ꤡꤛꤣꤊꤢ꤬ꤔꤛꤣ꤬ꤗꤢ꤬ ꤏꤢꤪ꤭ꤔꤟꤤꤑꤛꤢ꤬ꤡꤢꤪꤕꤢ꤬꤯
ꤊꤢ꤬ꤛꤢ꤭ꤜꤟꤤ꤬ꤊꤜꤛꤢꤩ꤭ ꤒꤢ꤬ꤟꤢꤩ꤬ ꤋꤢꤧꤕꤟꤢꤩꤔꤟꤤꤊꤛꤢ꤭ꤓꤛꤣ꤭ ꤓꤛꤢꤩ꤭ꤖꤥ꤭ ꤋꤥ ꤒꤢꤙꤤꤔꤛꤣ꤬ꤕꤢ꤭ꤚꤢꤪ ꤏꤢꤦꤢꤦ꤭ꤒꤟꤢ꤭ꤊꤛꤢ꤭ ꤗꤟꤛꤢ꤬ꤊꤜꤛꤢꤩ꤭ ꤒꤢꤔꤢ ꤗꤤ꤬ ꤓꤛꤣ꤭ꤕꤢ꤭ꤚꤢꤪ꤬ ꤗꤟꤢꤩ꤬ꤕꤚꤣꤒꤟꤢ꤭ꤊꤛꤢ꤭ꤕꤟꤥ ꤋꤥ ꤙꤤꤔꤛꤣ꤬ꤔꤢ ꤕꤟꤢꤦꤔꤟꤤꤊꤛꤢ꤭ ꤗꤟꤛꤢ꤬ꤊꤜꤛꤢꤩ꤭ ꤄ ꤕꤚꤟꤢꤧ꤬, ꤢ꤬ꤓꤛꤣ꤭ꤒꤥ꤬ ꤋꤢꤧꤞꤛꤢꤩ꤭ꤔꤟꤤꤊꤛꤢ꤭ ꤗꤟꤛꤢ꤬ꤊꤜꤛꤢꤩ꤭ ꤄ ꤕꤚꤟꤢꤧ꤬ꤕꤚꤟꤢꤧ꤬ ꤘꤣ ꤗꤟꤛꤢ꤬ꤊꤜꤛꤢꤩ꤭ ꤒꤢ꤬ꤟꤢꤩ꤬ ꤒꤟꤢ꤭ꤗꤟꤌꤣꤞꤤ꤭ꤒꤟꤢꤧ꤬ ꤏꤤꤜꤢꤨꤏꤤꤔꤛꤢ꤬ꤞꤤ꤭ ꤔꤛꤣ꤬ꤗꤢ꤬ ꤖꤛꤢꤩꤔꤟꤤꤜꤢꤪ꤭ꤜꤢꤪ꤭꤯
ꤊꤢ꤬ꤛꤢ꤭ꤜꤟꤤ꤬ꤊꤜꤛꤢꤩ꤭ ꤒꤢ꤬ꤟꤢꤩ꤬ ꤔꤟꤌꤣ꤭ꤋꤢꤧ ꤗꤟꤛꤢ꤬ꤊꤜꤛꤢꤩ꤭ꤙꤤ ꤒꤢꤥ꤬ꤔꤟꤤ ꤋꤥꤋꤢ꤭ꤏꤛꤢꤩ ꤔꤛꤣ꤬ ꤙꤤꤗꤟꤢꤪꤜꤤ꤭ ꤢ꤬ꤋꤢꤧ꤭, ꤙꤤ ꤗꤟꤛꤢ꤬ꤊꤟꤢꤩ ꤗꤟꤢꤩ꤬ꤜꤢ꤭ꤟꤤ ꤒꤟꤢꤧ꤬ꤔ꤉ꤥꤓꤛꤢ꤬ ꤒꤢ꤬ꤕꤜꤛꤢꤩ꤬ ꤊꤢ꤬ꤛꤢ꤭ꤕ꤉ꤢꤧ꤬ ꤒꤥ꤬ꤢ꤬ꤋꤢꤧ꤭ ꤒꤟꤢꤧ꤬ꤏꤢꤒꤟꤢꤧ꤬ꤕꤢ꤭ ꤒꤢ꤬ꤟꤢꤩ꤬ ꤗꤛꤢꤓꤢꤩ꤬ꤔꤟꤤꤘꤢꤦ꤬ ꤖꤢꤨꤛꤢꤩ꤭ꤔꤛꤣ꤬꤯ ꤚꤢꤪ ꤊꤢ꤬ꤛꤢ꤭ꤜꤟꤤ꤬ ꤕꤚꤟꤢꤧ꤬ꤜꤟꤢꤨ꤬ꤗꤛꤢꤩ꤭ ꤒꤟꤢꤧ꤬ꤘꤢꤨ꤬ꤓꤛꤢ꤬ ꤓꤢꤨ꤭ꤓꤛꤢ꤬ꤕꤢ꤬ꤒꤤ꤬ꤔꤢ ꤊꤢ꤬ꤛꤢ꤭ꤜꤟꤤ꤬ꤊꤜꤛꤢꤩ꤭ ꤒꤢ꤬ꤟꤢꤩ꤬ꤔꤛꤣ꤬ꤗꤢ꤬ ꤟꤢꤩꤔꤢ ꤗꤟꤛꤢ꤬ꤊꤟꤢꤩ ꤒꤟꤢꤧ꤬ꤔ꤉ꤥꤓꤛꤢ꤬ ꤒꤢ꤬ꤕꤜꤛꤢꤩ꤬ ꤊꤢ꤬ꤛꤢ꤭ꤕ꤉ꤢꤧ꤬ꤔꤛꤣ꤬ꤗꤢ꤬ ꤡꤢꤨ꤭ꤊꤟꤌꤣ꤭ꤒꤥ꤬꤯
ꤊꤢ꤬ꤛꤢ꤭ꤜꤟꤤ꤬ꤊꤜꤛꤢꤩ꤭ ꤟꤛꤢ꤭ꤔꤟꤌꤣ꤭ ꤋꤢꤧꤗꤟꤛꤢ꤬ꤊꤜꤛꤢꤩ꤭ ꤋꤜꤛ ꤇꤂ ꤘꤣꤙꤤ ꤢꤪꤒꤥ꤬ꤙꤣ꤬ꤜꤢꤧ꤭ ꤂꤆ ꤞꤢꤧ꤭ꤢ꤬ꤋꤢꤧ꤭ ꤕꤢ꤭ꤔꤛꤣ꤬ ꤘꤣꤙꤤ ꤓꤛꤢꤩ꤭ꤖꤥ꤭ꤋꤥꤥ꤬ꤔꤟꤤꤔꤛꤣ꤬, ꤞꤤꤚꤤꤘꤢꤪ꤭ꤠꤟꤤ꤭ꤔꤢ ꤕꤚꤟꤢꤩꤏꤤꤒꤥ꤬ꤠꤟꤤ꤭ ꤢ꤬ꤕꤜꤢꤧ꤬꤯
ꤔꤥ꤬ꤜꤣꤒꤢ꤬ꤔꤛꤢꤩ꤭ꤋꤢꤧ꤭ꤙꤤ ꤞꤢꤨ꤭ꤔꤟꤤꤖꤥ꤭ ꤢ꤬ꤋꤢꤧ꤭ꤔꤛꤣ꤬ꤗꤢ꤬ ꤊꤢ꤬ꤛꤢ꤭ꤜꤟꤤ꤬ ꤘꤢꤪ꤭ꤖꤢꤨꤏꤥ꤬ꤖꤢꤨ ꤞꤤ꤭ ꤒꤢ꤬ꤟꤢꤩ꤬ ꤞꤢꤨ꤭ꤢꤩ꤬ꤊꤛꤢ꤭ꤔꤥ꤬ꤜꤣꤊꤟꤌꤣ꤭ ꤖꤥ꤭ꤘꤤꤋꤚꤤ꤬ ꤏꤢꤧ꤬ꤢꤩ꤬ꤘꤤ꤭ꤊꤢꤨ꤬ꤚꤢꤪ ꤘꤣꤘꤤ꤭ꤊꤢꤨ꤬ꤔꤛꤣ꤬ꤗꤢ꤬ ꤘꤛꤢꤩꤢꤩ꤬ꤕꤚꤟꤢꤧꤜꤢꤨ꤭ ꤘꤣꤢ꤬ꤗꤢ꤭ꤓꤛꤣ꤭ꤕꤢ꤭ꤔꤢ ꤘꤤ꤭ꤊꤢꤨ꤬ꤜꤢꤧ꤬ꤔꤛꤣ꤬ꤗꤢ꤬ ꤘꤢꤨꤗꤢ꤭ꤓꤛꤢ꤬ꤔꤟꤤꤕꤟꤢꤩꤊꤟꤌꤣ꤭ꤜꤢꤨ꤭ꤘꤣ ꤖꤥ꤭ꤘꤤꤋ꤉ꤤ꤬ꤜꤟꤢꤩꤥ꤬ꤔꤟꤤ ꤞꤎꤢꤪ꤬ꤗꤟꤢꤪꤜꤥ꤬ꤔꤛꤣ꤬꤯ ꤙꤤꤔꤛꤣ꤬ꤢ꤬ꤋꤢꤧ꤭ꤗꤢ꤬ ꤘꤤ꤭ꤊꤢꤨ꤬ꤘꤣ ꤢꤨ꤭ꤖꤛꤢꤩꤟꤛꤢ꤭ꤞꤢꤨ꤭ꤔꤟꤤ ꤖꤥ꤭ꤥ꤬ꤊꤛꤢ꤭ꤒꤢ꤬ꤟꤢꤩ꤬ꤔꤛꤣ꤬ꤚꤢꤪ ꤕꤚꤟꤢꤧ꤬ꤟꤛꤢ꤭ꤞꤢꤨ꤭ꤒꤢ꤬ꤟꤢꤩ꤬ꤔꤛꤣ꤬ꤗꤢ꤬ ꤢꤩ꤬ꤚꤟꤥꤢꤩ꤬ꤕꤜꤢꤪ ꤔꤟꤤꤜꤢꤪ꤭ꤔꤟꤤꤜꤢꤨ꤭ꤙꤤ ꤞꤎꤢꤪ꤬ꤜꤢꤧ꤭ꤔꤛꤣ꤬꤯
ꤖꤥ꤭ꤘꤤꤋꤚꤤ꤬ꤔꤛꤣ꤬ꤗꤢ꤬ ꤙꤢꤩ꤬ꤥ꤬ꤜꤢꤨ꤭ ꤑꤛꤢ꤭ꤔꤛꤢꤩ꤭ ꤓꤛꤣ꤭ꤕꤢ꤭ꤔꤢ ꤡꤛꤣꤞꤢꤨ꤭ꤊꤛꤢ꤭ꤔꤟꤤꤜꤢꤨ꤭ꤘꤣꤙꤤ ꤊꤜꤛꤢꤘꤢꤨ꤬ ꤗꤢꤘꤣ ꤢ꤬ꤚꤟꤢꤩꤋꤢꤧ꤭ꤒꤢ꤬ꤔꤛꤢꤩ꤭ ꤢꤨ꤭ꤡꤛꤣꤞꤢꤨ꤭ꤔꤟꤤ ꤕꤤ꤭ꤜꤥꤢ꤬ꤋꤢ꤭ꤜꤟꤢꤩꤔꤛꤣ꤬ꤟꤢꤪ꤯ ꤙꤤ ꤡꤛꤣꤞꤢꤨ꤭ꤖꤥ꤭ ꤢ꤬ꤋꤢꤧ꤭ꤔꤛꤣ꤬ꤗꤢ꤬ ꤘꤢꤪ꤭ꤔꤟꤤꤓꤢꤪ꤭ ꤘꤢꤪ꤬ꤔꤟꤤꤗꤥ꤬ꤞꤤ꤭ ꤗꤟꤢꤩ꤬ꤔꤟꤤꤊꤟꤌꤣ꤭ꤕꤟꤢꤩꤜꤢꤨ꤭ ꤖꤢꤨꤔꤛꤣ꤬꤯
ꤙꤤ ꤡꤛꤣꤙꤢ꤬ꤔꤟꤤ ꤘꤤ꤭ꤊꤢꤨ꤬ꤜꤢꤧ꤬ ꤔꤛꤣ꤬ꤒꤢ꤬ꤔꤛꤢꤩ꤭ꤋꤢꤧ꤭ ꤟꤢꤩꤔꤛꤣ꤬ꤗꤢ꤬ ꤗꤟꤌꤣꤕꤚꤟꤢꤧꤟꤢꤩꤒꤥ꤬ ꤕꤢ꤬ꤡꤟꤢꤧꤟꤢꤩꤒꤥ꤬ ꤟꤤ꤬ꤖꤢꤨꤖꤟꤛꤢ꤭ꤖꤢꤨꤢ꤬ꤑꤢꤩ꤭ ꤜꤟꤢꤩꤊꤢꤨ꤬ꤙꤢꤧꤊꤟꤌꤣ꤭ꤘꤤ꤭ꤊꤢꤨ꤬ ꤟꤢꤩꤔꤛꤣ꤬ꤗꤢ꤬ ꤡꤛꤣꤓꤢꤩ꤬ꤙꤢ꤬ꤔꤟꤤꤜꤢꤪ꤭ ꤜꤢ꤬ꤋꤛꤢ꤭ꤕ꤉ꤟꤥ꤭ꤒꤢ꤬ꤕꤚꤟꤢꤧ꤬
ꤊꤢ꤬ꤛꤢ꤭ꤜꤟꤤ꤬ꤖꤢꤨꤞꤤ꤭ ꤒꤢ꤬ꤟꤢꤩ꤬ꤔꤛꤣ꤬ꤗꤢ꤬ ꤐꤟꤢꤦꤢꤩ꤬ꤔꤟꤤ ꤖꤥ꤭ꤘꤤꤋꤚꤤ꤬, ꤖꤥ꤭ꤘꤤꤋ꤉ꤤ꤬ꤔꤛꤣ꤬ꤗꤢ꤬ ꤟꤢꤩꤏꤥ꤬ꤓꤢꤩ꤬ꤙꤢꤧꤜꤢꤪ꤭ ꤓꤛꤢꤩ꤭ꤊꤟꤢꤩꤢ꤬ꤚꤢꤩ꤬ꤢ꤬ꤊꤛꤢ꤭꤯ ꤜꤟꤢꤩꤊꤢ꤬ꤓꤢꤪ꤬ꤥ꤬ꤔꤛꤢ꤭ ꤢ꤬ꤋꤛꤣꤋꤢꤧ꤭ꤥ꤬ꤗꤟꤢꤩ꤬ꤖꤢꤨꤒꤢꤩ꤭ꤒꤢ꤬ꤟꤢꤩ꤬ꤔꤢ ꤟꤛꤢ꤭ꤢꤩ꤬ꤟꤤ꤬ꤋꤢꤨ꤬ꤊꤜꤢꤧ꤭ ꤒꤢ꤬ꤟꤢꤩ꤬ꤢ꤬ꤑꤢꤩ꤭ ꤒꤟꤢꤧ꤬ꤏꤛꤣꤒꤟꤢꤧ꤬ꤋꤢꤧ꤭ꤟꤛꤢ꤭ꤗꤟꤢꤩ꤬ꤊꤚꤛꤢꤕꤢ꤭ꤖꤢꤨꤒꤢꤩ꤭ ꤢ꤬ꤚꤢꤩ꤬ꤞꤤ꤭ꤔꤛꤣ꤬ꤒꤢ꤬ꤟꤢꤩ꤬꤯
ꤙꤤꤡꤢꤓꤛꤢ꤬ꤗꤟꤢꤩ꤬ꤔꤟꤤ ꤘꤤ꤭ꤊꤢꤨ꤬ꤕ꤉ꤢꤧ꤬ ꤢ꤬ꤋꤢꤧ꤭ ꤊꤢ꤬ꤜꤢꤨꤒꤢ꤬ꤔꤛꤢꤩ꤭ꤋꤢꤧ꤭ꤔꤛꤣ꤬ꤗꤢ꤬ ꤢꤧꤕꤚꤟꤢꤧ꤬ ꤡꤛꤣꤙꤢ꤬ꤔꤟꤤ ꤘꤤ꤭ꤊꤢꤨ꤬ꤜꤢꤧ꤬ ꤘꤣ ꤜꤟꤢꤩꤊꤢꤨ꤬ꤔꤟꤤꤔꤢ ꤘꤤ꤭ꤊꤢꤨ꤬ꤢ꤬ꤑꤢꤩ꤭꤯ ꤙꤢ꤬ꤔꤟꤤꤘꤤ꤭ꤊꤢꤨ꤬ꤜꤢꤧ꤬ꤔꤛꤣ꤬ꤗꤢ ꤊꤢ꤬ꤛꤢ꤭ꤢꤧꤔꤢ ꤗꤢꤨꤟꤢꤨ꤬ꤗꤟꤢꤪ꤯
ꤊꤢ꤬ꤛꤢ꤭ꤜꤟꤤ꤬ꤖꤢꤨꤞꤤ꤭ ꤒꤢ꤬ꤟꤢꤩ꤬ ꤘꤢ꤭ꤗꤟꤢꤩ꤬ꤟꤢꤪ ꤘꤤ꤭ꤊꤢꤨ꤬ꤕ꤉ꤢꤧ꤬ ꤕ꤉ꤢꤧ꤬ꤒꤢ꤬ꤡꤣ꤬ꤡꤣ꤬ꤟꤢꤪ ꤟꤢꤩꤔꤛꤣ꤬ꤗꤢ꤬ ꤜꤟꤢꤩꤢꤩ꤬ꤜꤟꤢꤩꤥ꤭ꤔꤟꤤ ꤏꤤ꤭ꤕꤚꤟꤢꤩꤏꤤ꤭ꤗꤟꤛꤢ꤬ꤔꤢ ꤢꤧ꤬ꤞꤤ꤭ꤗꤟꤢꤩ꤬ꤓꤢꤩ꤬ꤔꤟꤤꤘꤢꤦ꤬ ꤒꤟꤢꤧ꤬ꤒꤢ꤬ꤟꤢꤩ꤬ ꤞꤛꤢꤖꤢꤨ ꤙꤢꤩ꤭ꤠꤟꤢꤧ꤬ꤘꤣ ꤢ꤬ꤕꤜꤥ꤬ꤔꤟꤤꤔꤢ ꤒꤢ꤬ꤎꤥ꤭ꤒꤢ꤬ꤟꤢꤩ꤬ ꤓꤛꤣ꤭ꤕꤢ꤭ ꤘꤤ꤭ꤕꤟꤢꤪ꤬ꤟꤢꤩ꤬ꤘꤣ ꤜꤟꤢꤩꤐꤢꤦ꤭ꤙꤢꤩ꤬ꤥ꤬ꤔꤢ ꤓꤛꤢꤩ꤭ꤐꤢ꤭ ꤙꤢꤩ꤬ꤒꤟꤢ꤭ꤥ꤬ꤔꤟꤤꤕꤟꤢꤩꤔꤢ ꤏꤢꤧ꤬ꤢꤩ꤬ꤏꤢꤧ꤬ꤥ꤭ꤞꤤ꤭ ꤖꤢꤨꤔꤛꤣ꤬꤯
ꤊꤢ꤬ꤛꤢ꤭ꤜꤟꤤ꤬ ꤜꤟꤢꤩꤊꤜꤥ꤭ꤜꤟꤢꤩꤋꤛꤢ꤬ ꤗꤟꤢꤩ꤬ꤔꤟꤤꤘꤤ꤭ꤊꤢꤨ꤬ꤕ꤉ꤢꤧ꤬ ꤘꤣꤙꤤ ꤊꤢ꤬ꤛꤢ꤭ꤜꤟꤤ꤬ꤕꤚꤟꤢꤧ꤬ꤙꤢꤧ꤬ꤕꤛꤢꤙꤢꤧ꤬ꤏꤢꤧ꤭ ꤢ꤬ꤋꤢ꤭ꤜꤟꤢꤩꤊꤢꤨ꤭ ꤗꤢꤧ꤬ꤟꤢꤪ꤬ꤏꤢꤪ꤬ꤠꤟꤤ꤭ꤗꤣ꤭ꤊꤢꤨ꤭ ꤙꤤꤎꤢꤧ꤬ꤒꤢꤩ꤬ꤙꤣ꤬ꤜꤢꤧ꤭ ꤢ꤬ꤋꤢꤧ꤭ ꤜꤟꤢꤩꤊꤜꤥ꤭ꤜꤟꤢꤩꤋꤛꤢ꤬ꤘꤢꤨ꤬ꤋꤢꤨ꤬ ꤊꤟꤌꤣ꤭ꤒꤢ꤬ꤟꤢꤩ꤬ ꤋꤢꤨ꤭ꤢꤨꤚꤢꤧ꤬ (ꤡꤢꤪꤓ꤉ꤥ) ꤙꤢꤔꤟꤤꤏꤛꤢꤩ꤭
ꤊꤜꤛꤢꤩ꤭ꤖꤢꤨꤊꤜꤥ꤭ꤖꤢꤨ ꤒꤢ꤬ꤟꤢꤩ꤬ꤘꤢꤚꤢꤔꤟꤤꤘꤢꤦ꤬ꤟꤢꤪꤙꤤ ꤢꤨ꤭ꤡꤢꤓꤛꤢ꤬ ꤙꤢꤗꤥ꤭ꤔꤟꤤ ꤊꤢ꤬ꤛꤢ꤭ꤜꤟꤤ꤬ꤊꤜꤛꤢꤩ꤭ꤊꤜꤥ꤭ꤕ꤉ꤢꤧ꤬ ꤙꤤ ꤢꤪꤌꤣꤎꤜꤢꤧ꤭ ꤁꤇ ꤞꤢꤧ꤭ꤢ꤬ꤋꤢꤧ꤭
ꤊꤜꤛꤢꤩ꤭ꤕꤚꤟꤢꤧ꤬ꤗꤢꤪ꤬ ꤒꤢ꤬ꤟꤢꤩ꤬ ꤟꤛꤢ꤭ꤓꤛꤢ꤬ꤔꤟꤤꤟꤢꤪꤘꤣ ꤗꤟꤢꤩ꤬ꤔꤟꤤꤘꤛꤢꤩ ꤊꤢ꤬ꤛꤢ꤭ꤜꤟꤤ꤬ ꤊꤜꤛꤢꤩ꤭ꤊꤜꤥ꤭ꤗꤟꤢꤪꤑꤢꤩ꤭ ꤆꤂ ꤔꤢ꤬ ꤕ꤉ꤢꤧ꤬ꤢ꤬ꤊꤢꤨ꤭
ꤊꤜꤛꤢꤩ꤭ꤖꤢꤨ ꤒꤟꤢꤧ꤬ꤒꤢ꤬ꤚꤤ꤬ꤒ꤉ꤟꤥꤒꤢ꤬ꤟꤢꤩ꤬ ꤋꤢꤧ꤭ꤕꤚꤛꤢ꤭ꤓꤛꤢ꤬ꤘꤣꤙꤤ ꤓꤛꤢꤩ꤭ꤊꤟꤢꤩꤋꤢꤨ꤬ꤊꤜꤢꤪꤘꤢꤨ꤬ꤋꤢꤨ꤬ ꤒꤢ꤬ꤟꤢꤩ꤬ ꤢ꤬ꤗꤢꤧ꤬ꤑꤢꤩ꤭, ꤊꤢ꤬ꤛꤢ꤭ꤜꤟꤤ꤬ ꤊꤜꤛꤢꤩ꤭ꤊꤜꤥ꤭ ꤗꤟꤢꤪꤑꤢꤩ꤭ ꤆꤂ ꤔꤢ꤬
ꤊꤜꤛꤢꤩ꤭ꤕꤚꤟꤢꤧ꤬ꤘꤛꤢꤩ ꤍꤟꤥꤡꤤꤒꤢ꤬ꤕꤚꤟꤢꤧ꤬ ꤗꤛꤢꤘ꤉ꤟꤥꤔꤟꤤꤘꤛꤢꤩ ꤢ꤬ꤊꤢ꤬ꤛꤢ꤭ꤙꤤ ꤗꤟꤢꤩ꤬ꤓꤛꤢ꤬ꤜꤢ꤭ꤟꤤ꤬ ꤕ꤉ꤢꤧ꤬ꤒꤥ꤬ ꤢ꤬ꤏꤛꤣꤢ꤬ꤋꤢꤧ꤭, ꤊꤢ꤬ꤛꤢ꤭ꤜꤟꤤ꤬ꤊꤜꤛꤢꤩ꤭ꤊꤜꤥ꤭ ꤗꤟꤢꤪꤑꤢꤩ꤭ ꤙꤢ꤭ꤓꤛꤢ꤬ ꤆꤂ ꤔꤢ꤬
ꤊꤜꤛꤢꤩ꤭ꤘꤢꤨ꤬ ꤙꤤ꤬ꤓꤢꤨ ꤟꤢꤩꤙꤢꤧ꤬ꤒꤟꤢ꤭ꤔꤟꤤꤘꤣꤙꤤ ꤗꤟꤢꤩ꤬ꤔꤟꤤꤘꤛꤢꤩ ꤊꤢ꤬ꤛꤢ꤭ꤜꤟꤤ꤬ ꤊꤜꤛꤢꤩ꤭ꤊꤜꤥ꤭ꤗꤟꤢꤪꤑꤢꤩ꤭ ꤙꤢ꤭ꤓꤛꤢ꤬ ꤆꤂ ꤔꤢ꤬ꤢ꤬ꤋꤢꤧ꤭, ꤛꤢꤩ꤭ꤒꤢ꤬ꤜꤢꤧ꤭ ꤌꤢꤪꤌꤣꤎꤜꤢꤧ꤭ ꤁꤇ꤐ ꤁꤇꤯