“ ꤕꤜꤢꤪꤓꤛꤢ꤬ꤥ꤬ ꤊꤢꤪ꤬ꤗꤤ꤬ꤒꤤ꤬ ꤘꤣ ꤕꤚꤟꤢꤧ꤬ꤟꤢꤩꤙꤢꤧ꤬ ꤒꤟꤢꤧ꤬ ꤔꤛꤣ꤬ ꤢ꤬ꤥ꤬ꤔꤢꤩ꤬ ꤜꤢ꤭ꤟꤤꤒꤥ꤬ ꤒꤢ꤬ꤘꤣ꤬ꤚꤢꤪ ꤜꤟꤢꤩꤗꤛꤢꤓꤛꤢꤩ꤬ ꤟꤢꤩꤙꤢꤧ꤬ꤟꤢꤩꤏꤛꤣ꤭ꤜꤢꤨ꤭ ꤢ꤬ꤑꤢꤩ꤭ ꤗꤢ꤬ ꤥ꤬ꤒꤢ꤬ꤚꤤ꤬ꤔꤢꤩ꤬ ꤓꤛꤣ꤭ꤘꤢꤦ꤬ꤟꤢꤪ" ꤔꤛꤣ꤬ꤗꤢ꤬ ꤊꤢꤩ꤬ꤢꤧ꤬ꤕꤤ꤬ꤕꤤ꤬ ꤋꤢꤨ꤬ꤘꤛꤢ꤭ ꤋꤢꤨ꤬ꤢꤨꤚꤢꤧ꤬ ꤟꤢꤩꤏꤥ꤬ꤘꤢꤦ꤬ ꤖꤢꤨꤔꤛꤣ꤬꤯

ꤙꤤ ꤔꤥ꤬꤉ꤢꤩ꤬ꤙꤢ꤬ꤜꤢꤧ꤭ ꤢ꤬ꤊꤢꤨ꤭ ꤕꤚꤟꤢꤧ꤬ꤟꤢꤩꤙꤢꤧ꤬ ꤟꤢꤩꤏꤛꤣ꤭ ꤋꤛꤢꤩ꤭ꤜꤢꤨ꤭ ꤔꤢ ꤒꤟꤢꤧ꤬ꤕꤟꤢꤩ꤭ꤘ꤉ꤟꤥ꤭ ꤢ꤬ꤑꤢꤩ꤭ ꤕꤚꤟꤢꤧ꤬ꤕꤟꤢꤦ ꤏꤤꤜꤢꤨꤏꤤꤔꤟꤛꤢ꤬ ꤢ꤬ꤕꤜꤢꤪ ꤔꤛꤢꤩ꤭ꤊꤟꤌꤣ꤬ ꤢ꤬ꤗꤟꤢ ꤕꤢ꤬ꤊꤢꤦ꤭ (ꤊꤢꤩ꤬ꤢꤧ꤬ꤛꤢꤨ꤬) ꤔꤢ ꤊꤢ꤬ꤡꤏꤢꤩ꤬  ꤒꤢ꤬ꤟꤢꤩ꤬ ꤔꤢ  ꤗꤟꤛꤢ꤬ꤊꤟꤢꤩꤋ꤉ꤤ ꤢꤨꤒꤢꤩ꤭ꤎꤢꤩ꤬ ꤢ꤬ꤕꤜꤢꤧ꤬ꤊꤢꤨ꤭ ꤜꤟꤢꤩꤖꤛꤢꤩꤒꤟꤢꤧ꤬ꤏꤢ ꤥ꤬ꤊꤟꤌꤣ  ꤕꤜꤢꤪꤓꤛꤢ꤬ ꤊꤛꤢ꤭ ꤊꤢꤪ꤬ꤗꤤ꤬ꤒꤤ꤬ ꤢ꤬ꤓꤛꤣ꤭ ꤊꤢꤩ꤬ꤢꤧ꤬ꤕꤤ꤬ꤕꤤ꤬ ꤟꤢꤩꤡꤛꤣ ꤘꤢꤦ꤬ ꤖꤢꤨꤔꤛꤣ꤬ ꤯

ꤡꤢꤪꤖꤛꤢ꤬ꤘꤢꤨ꤬ ꤙꤤ꤬ꤓꤢꤨ

ꤊꤢꤩꤢꤧ꤬꤬ꤛꤢꤨ꤬ ꤟꤢꤩ ꤔꤢ ꤕꤟꤢꤧ꤬ ꤢꤧꤗꤟꤥ꤬ꤏꤢꤦ꤬ ꤕ꤉ꤟꤥ꤭ꤖꤟꤌꤣ ꤕꤚꤢꤧ ꤘꤣ ꤜꤟꤢꤩꤟꤢꤩꤙꤢꤧ꤬ ꤟꤢꤩꤏꤛꤣ꤭ ꤢ꤬ꤑꤢꤩ꤭ꤛꤢꤩ꤭ ꤟꤢꤩꤘꤢꤦ꤬ꤓꤛꤣ꤭ ꤙꤤ ꤔꤥ꤬꤉ꤢꤩ꤬ꤙꤢ꤬ꤜꤢꤧ꤭ ꤁꤁ ꤞꤢꤧ꤭ ꤢ꤬ꤋꤢꤧ꤭ ꤜꤟꤢꤩꤟꤢꤩꤙꤢꤧ꤬ ꤟꤢꤩꤏꤛꤣ꤭ꤏꤢꤦ꤬ ꤔꤢ ꤗꤟꤛꤢ꤬ꤊꤟꤢꤩꤋ꤉ꤤ ꤢ꤬ꤑꤢꤩ꤭ ꤊꤢꤩ꤬ꤢ꤬ꤛꤢꤨ꤬ ꤕꤚꤟꤢꤧ꤬ꤞꤛꤢꤔꤟꤢꤩ ꤕꤢ꤬ꤊꤟꤌꤣ꤭ ꤇ ꤕꤚꤟꤢꤧ꤬ ꤟꤢꤩꤘꤢꤦ꤬꤯

“ꤊꤢꤩ꤬ꤢꤧ꤬ꤛꤢꤨ꤬ ꤋꤢꤨ꤬ꤘꤛꤢ꤭  ꤔꤢꤪ꤬ꤏꤤ꤬ꤖꤥꤚꤢ꤬ꤎꤢꤩ꤬ ꤟꤢꤩꤘꤢꤦ꤬ ꤔꤢ “ ꤕꤜꤢꤪꤓꤛꤢ꤬ ꤕꤚꤟꤢꤧ꤬ꤟꤢꤩꤙꤢꤧ꤬ ꤒꤟꤢꤧ꤬ꤕꤟꤢꤩ꤭ꤘ꤉ꤟꤥ꤭ ꤊꤢꤪ꤬ꤗꤤ꤬ꤒꤤ꤬ ꤛꤢꤩ꤭ ꤒꤟꤢꤧ꤬ꤒꤢ꤬ꤚꤤ꤬ ꤗꤢ꤬ ꤢ꤬ꤗꤟꤢ ꤘꤣ ꤜꤟꤢꤩꤗꤛꤢꤓꤛꤢꤩ꤬ ꤟꤢꤩꤙꤢꤧ꤬ꤒꤟꤢ꤭ꤏꤢꤦ꤬ ꤙꤢꤧ ꤔꤢ ꤗꤟꤛꤢ꤬ꤊꤟꤢꤩꤋ꤉ꤤ,  ꤊꤢꤪ꤬ꤗꤤ꤬ꤒꤤ꤬ ꤛꤢꤩ꤭ꤒꤢ꤬ꤟꤢꤩ꤬ ꤗꤛꤢꤓꤛꤢꤩ꤬ꤟꤢꤩꤙꤢꤧ꤬ ꤒꤢꤦꤘꤢꤦ꤬ ꤔꤢ ꤢ꤬ꤔꤟꤢꤩ ꤗꤢ꤬ ꤢ꤬ꤗꤟꤢ ꤔꤢꤒꤥ꤬, ꤜꤟꤢꤩꤗꤛꤢꤓꤛꤢꤩ꤬ ꤟꤢꤩꤙꤢꤧ꤬ ꤢ꤬ꤑꤢꤩ꤭ ꤢꤧ꤬ꤞꤤ꤭ ꤗꤢ꤬ ꤒꤢ꤬ꤚꤤ꤬ ꤔ꤉ꤟꤥ ꤊꤢ꤬ꤛꤢ꤭ꤘꤣ ꤕꤚꤟꤢꤧ꤬ꤟꤢꤩꤙꤢꤧ꤬ ꤒꤢ꤬ꤟꤢꤩ꤬" ꤢ꤬ꤟꤢꤩꤘꤢꤦ꤬꤯

ꤊꤢ꤬ꤡꤏꤢꤩ꤬ ꤊꤟꤢꤩꤊꤢꤨ꤭ ꤗꤟꤛꤢ꤬ꤊꤟꤢꤩꤋ꤉ꤤ ꤔꤢ ꤊꤢꤩ꤬ꤢꤣꤧ꤬ꤥ꤬ ꤕꤚꤟꤢꤧ꤬ꤕꤟꤢꤦ ꤏꤤꤜꤢꤨꤏꤤꤔꤟꤛꤢ꤬ ꤢ꤬ꤕꤜꤢꤪ  ꤢ꤬ꤕꤜꤢꤧ꤬ꤊꤢꤨ꤭ ꤜꤟꤢꤩꤖꤛꤢꤩꤋꤛꤢꤩ꤭ ꤒꤟꤢꤧ꤬ꤏꤢꤥ꤬ꤊꤟꤌꤣ ꤔꤛꤣ꤬ ꤕꤚꤟꤢꤧ꤬ꤗꤟꤢꤩ꤬ ꤓꤛꤢꤩ꤭ꤊꤟꤢꤩꤚꤢꤩ꤬ ꤢ꤬ꤕꤜꤢꤪꤢ꤬ꤗꤟꤢꤨ꤬ ꤋꤢꤨ꤬ꤊꤜꤢꤪꤘꤢꤨ꤬ ꤒꤢ꤬ꤟꤢꤩ꤬ ꤕꤜꤢꤪꤓꤛꤢ꤬ꤘꤢꤦ꤬ Vision of Peace ꤒꤟꤢꤧ꤬ꤕꤟꤢꤩ꤬ꤘ꤉ꤟꤥ꤭ ꤢ꤬ꤕꤜꤢꤪ ꤙꤤ ꤔꤥ꤬꤉ꤢꤩ꤬ꤙꤢ꤬ꤜꤢꤧ꤭ ꤁꤂ ꤞꤢꤧ꤭ ꤢ꤬ꤋꤢꤧ꤭ ꤔꤛꤣ꤬꤯

ꤘꤣ ꤢ꤬ꤚꤟꤢꤩ ꤙꤤ ꤢ꤬ꤔꤢ꤬ ꤁꤉꤉꤅ ꤔꤢ꤬ ꤢ꤬ꤋꤢꤧ꤭ ꤔꤛꤣ꤬ ꤊꤢꤩ꤬ꤢ꤬ꤕꤤ꤬ꤕꤤ꤬ ꤔꤢ ꤗꤟꤛꤢ꤬ꤊꤟꤢꤩꤋ꤉ꤤ ꤖꤛꤢꤩꤘꤢꤦ꤬ ꤒꤟꤢꤧ꤬ꤏꤢ ꤥ꤬ꤊꤟꤌꤣ ꤓꤛꤣ꤭ ꤟꤢꤩꤙꤢꤧ꤬ꤟꤢꤩꤏꤛꤣ꤭ ꤋꤛꤢꤩ꤭ꤜꤢꤨ꤭ ꤔꤢ ꤓꤛꤢꤩ꤭ꤊꤟꤢꤩ ꤚꤢꤩ꤬ꤢ꤬ꤋꤢꤧ꤭ ꤗꤟꤛꤢ꤬ꤊꤟꤢꤩꤋ꤉ꤤ ꤟꤛꤢ꤭ꤘꤛꤢ꤬ꤒꤟꤢ꤭ ꤢꤧꤕꤟꤥꤢꤧ꤬ꤞꤤ꤭ ꤊꤜꤛꤢꤩ꤭ꤒꤢ ꤢ꤬ꤋꤢꤨ꤬ ꤢ꤬ꤋꤛꤢꤩ꤭ ꤒꤟꤢꤧ꤬ꤟꤢꤩꤙꤢꤧ꤬ꤟꤢꤩꤏꤛꤣ꤭ ꤕꤛꤢꤩꤊꤛꤢ꤭ ꤋꤛꤢꤩ꤭ꤘꤢꤦ꤬ ꤜꤢꤨ꤭ ꤖꤢꤨꤔꤛꤣ꤬꤯