ꤙꤤ ꤔꤥ꤬꤉ꤢꤩ꤬ꤙꤢ꤬ꤜꤢꤧ꤭ ꤁ ꤞꤢꤧ꤭ ꤢ꤬ꤋꤢꤧ꤭ ꤊꤢ꤬ꤛꤢ꤭ꤜꤟꤤ꤬ꤊꤜꤛꤢꤩ꤭ ꤔꤢ ꤗꤟꤛꤢ꤬ꤊꤟꤢꤩꤋ꤉ꤤ ꤊꤜꤛꤢꤩ꤭ ꤒꤟꤢ꤭ꤏꤢꤦ꤬ꤋꤢꤧꤋꤛꤢꤩ꤭ ꤜꤢꤨ꤭ꤚꤢꤪ ꤗꤟꤛꤢ꤬ꤊꤜꤛꤢꤩ꤭ ꤒꤢ꤬ꤋꤥ ꤙꤢꤧꤗꤟꤢꤨ꤬ ꤞꤢꤚꤢꤘꤢꤨ꤬ ꤒꤟꤢ꤭ꤊꤛꤢ꤭ ꤂ꤕꤚꤟꤢꤧ꤬ ꤟꤢꤩꤘꤢꤦ꤬꤯
ꤊꤢ꤬ꤛꤢ꤭ꤜꤟꤤ꤬ꤊꤜꤛꤢꤩ꤭ ꤎꤤꤢꤨ꤭ꤎꤤ꤭ꤒꤢ ꤔꤛꤣ꤬ꤗꤢ꤬ ꤢ꤬ꤊꤟꤢꤨꤊꤟꤢꤚꤢꤨꤚꤛꤢ꤬ ꤙꤤ ꤊꤢꤪꤊꤢꤪ (ꤢ꤬ꤖꤢꤦ꤬ ꤔꤢ ꤞꤤꤕꤢ꤬ꤏꤢꤩ) ꤋꤢ꤭ꤜꤟꤢꤩ ꤔꤛꤣ꤬ ꤢ꤬ꤋꤢꤧ꤭ ꤗꤟꤛꤢ꤬ꤊꤜꤛꤢꤩ꤭ ꤋꤗꤛ(꤅꤇꤈)ꤙꤢꤧꤕꤜꤢꤪ ꤊꤜꤛꤢꤩ꤭ꤋꤢꤨ꤬ ꤍꤢꤩ꤭ꤡꤏꤢ꤭ ꤔꤢ ꤢ꤬ꤊꤜꤛꤢꤩ꤭ ꤟꤢꤧ꤭ꤚꤢꤩ꤬ ꤥ꤬ ꤢ꤬ꤕꤚꤟꤢꤧ꤬ ꤂꤀ ꤒꤟꤢ꤭ꤏꤢꤦ꤬ ꤋꤢꤧꤋꤛꤢꤩ꤭ꤘꤢꤦ꤬ꤜꤢꤨ꤭ ꤔꤛꤣ꤬ꤗꤢ꤬ ꤡꤢꤪꤖꤛꤢ꤬ꤙꤛꤢ꤬ꤡꤢꤧ꤬ꤘꤢꤨ꤬ ꤙꤤ꤬ꤓꤢꤨ꤭ ꤟꤢꤩꤏꤥ꤬ꤘꤢꤦ꤬ ꤖꤢꤨꤔꤛꤣ꤬꤯
ꤡꤢꤪꤖꤛꤢ꤬ꤙꤛꤢ꤬ꤡꤢꤧ꤬ꤘꤢꤨ꤬ ꤙꤤ꤬ꤓꤢꤨ꤭ ꤟꤢꤩꤕꤟꤢꤩꤔꤢ “ ꤕꤟꤢꤧ꤬ꤊꤜꤛꤢꤩ꤭ ꤒꤟꤢꤧ꤬ꤊꤟꤢꤨꤊꤟꤢꤚꤟꤢꤨꤚꤟꤛꤢ꤬ ꤥ꤬ ꤙꤤ ꤔꤛꤣ꤬ ꤚꤢꤪ ꤒꤟꤢ꤭ꤏꤢꤦ꤬ꤋꤢꤧꤋꤛꤢꤩ꤭ ꤘꤢꤦ꤬ꤜꤢꤨ꤭ " ꤢ꤬ꤟꤢꤩꤘꤢꤦ꤬꤯
ꤘꤣ ꤊꤢ꤬ꤛꤢ꤭ꤜꤟꤤ꤬ꤊꤜꤛꤢꤩ꤭ ꤒꤢ꤬ꤊꤛꤢꤩ꤭ ꤢ꤬ꤖꤛꤢꤩꤔꤟꤤꤘꤢꤦ꤬ ꤗꤟꤛꤢ꤬ꤊꤜꤛꤢꤩ꤭ ꤏꤤꤔꤛꤢ꤬ MA 1 ꤒꤣ꤬ꤋꤢꤨ꤬, ꤏꤤ꤬ꤔꤛꤢ꤬ꤕꤜꤢꤪ꤬ꤊꤢꤪ꤭ ꤂ ꤙꤢꤧ꤬ ꤔꤢ ꤢ꤬ꤕꤜꤢꤪ꤬ ꤄꤅ ꤕꤜꤢꤪ꤬ ꤔꤛꤣ꤬ꤗꤢ꤬ ꤢ꤬ꤟꤢꤩꤏꤥ꤬ꤕꤜꤢꤩ꤬ꤟꤛꤢ꤭ꤘꤢꤦ꤬ ꤖꤢꤨꤔꤛꤣ꤬꤯
ꤘꤣ ꤢ꤬ꤚꤟꤢꤩ ꤢꤪꤒꤥ꤬ꤙꤢ꤬ꤜꤢꤧ꤭ ꤁꤁ ꤞꤢꤧ꤭ ꤢ꤬ꤋꤢꤧ꤭ ꤔꤛꤣ꤬ ꤊꤢ꤬ꤛꤢ꤭ꤜꤟꤤ꤬ꤊꤜꤛꤢꤩ꤭ ꤔꤢ ꤗꤟꤛꤢ꤬ꤊꤜꤛꤢꤩ꤭ ꤋꤢꤧꤋꤛꤢꤩ꤭ꤜꤢꤨ꤭ ꤘꤣꤙꤤ ꤖꤚꤢꤨ꤬ꤏꤥ꤬ꤠꤟꤤ꤭ꤗꤣ꤭ꤊꤢꤨ꤭ ꤔꤛꤣ꤬ ꤚꤢꤪ ꤊꤢ꤭ꤜꤟꤤ꤬ꤊꤜꤛꤢꤩ꤭ ꤒꤢ꤬ꤊꤛꤢꤩ꤭ꤡꤢꤪꤖꤛꤢ꤬ꤖꤢꤨ ꤒꤟꤢ꤭ꤊꤛꤢ꤭ ꤒꤣ꤬ꤕꤚꤟꤢꤧ꤬ ꤔꤢ ꤘꤣ ꤗꤟꤛꤢ꤬ꤊꤜꤛꤢꤩ꤭ ꤒꤢ꤬ꤊꤛꤢꤩ꤭ ꤔꤛꤣ꤬ ꤞꤢꤚꤢꤘꤢꤨ꤬ꤒꤟꤢ꤭ꤊꤛꤢ꤭ ꤒꤣ꤬ꤕꤚꤟꤢꤧ꤬ꤕꤚꤟꤢꤧ꤬꤯
