ꤞꤢꤧꤑꤢꤩ꤭ꤔꤟꤤ ꤒꤟꤢꤧ꤬ꤚꤢꤩ꤬ ꤔꤢ ꤗꤟꤢꤘꤣ ꤓꤛꤢꤩ꤭ꤘꤢꤨ꤬ ꤞꤤꤚꤤꤘꤢꤪ꤭ ꤒꤣ꤬ꤜꤢꤧ꤭ ꤜꤣ ꤢ꤬ꤋꤢꤨ꤬ꤢ꤬ꤋꤛꤢꤩ꤭ ꤊꤢ꤬ꤛꤢ꤭ ꤥ꤬ꤙꤤ ꤔꤛꤣ꤬ꤒꤢ꤬ꤟꤢꤩ꤬ ꤕꤚꤟꤤ꤬ꤘꤛꤢ꤬ꤊ꤉ꤟꤥ꤬ ꤥ꤬ꤔꤢꤩ꤬ ꤟꤌꤣ꤭ ꤢ꤬ꤋꤢꤨ꤬ꤢ꤬ꤋꤛꤢꤩ꤭ ꤕꤚꤟꤢꤩꤔꤥꤟꤌꤣ꤭ ꤢ꤬ꤍꤟꤢ꤬ꤨ ꤍꤟꤢꤨ꤬ꤘꤢꤨ꤬ ꤓꤛꤢ꤬ꤜꤣ ꤡꤢꤪꤔꤛꤢꤩ꤭ꤟꤢꤦ꤬ꤋꤛꤢ ꤟꤢꤩꤘꤢꤦ꤬꤯
ꤊꤟꤢꤩꤡꤟꤢꤦ꤬ ꤡꤟꤢꤦ꤬ꤜꤢ꤬ꤒꤟꤢꤦ꤭ ꤒꤢ꤬ꤖꤟꤌꤣ ꤒꤥ꤬ꤢ꤬ꤋꤢꤨ꤬ꤢ꤬ꤋꤛꤢꤩ꤭ ꤗꤟꤛꤢ꤬ꤊꤟꤢꤩ ꤐꤟꤢꤩ꤬ꤕꤚꤟꤥ꤬ꤙꤛꤢ꤬ꤡꤢꤧ꤬ ꤒꤢ꤬ꤊꤜꤢꤪ ꤙꤢꤗꤥ꤭ꤒꤟꤢ꤭ꤊꤛꤢ꤭ ꤗꤥꤙꤛꤢꤧꤓꤛꤢꤩ꤭ꤋꤢꤪ꤬ ꤛꤢꤩ꤭ꤔꤛꤣ꤬ ꤚꤢꤪ ꤘꤢꤪ꤭ꤥ꤬ꤖꤢꤦ꤬ ꤔꤢ ꤞꤤꤚꤤꤘꤢꤪ꤭ ꤓꤛꤢꤩ꤭ꤜꤟꤛꤢ꤭ꤗꤟꤌꤣ ꤙꤤ꤬ꤜꤢꤨ꤭ꤡꤏꤢꤪ꤭ ꤛꤢꤩ꤭ ꤙꤟꤌꤣ, ꤜꤟꤛꤢꤚꤟꤢꤪ꤬ ꤒꤢ꤬ꤟꤢꤩ꤬ ꤒꤟꤢꤧ꤬ꤕꤛꤢꤩꤒꤟꤢꤧ꤬ꤊꤛꤢ꤭ ꤥ꤬ ꤢꤧꤓꤛꤣ꤭ ꤙꤢꤧ꤬ꤐꤟꤢꤪ꤬ ꤘꤣ ꤟꤌꤣ꤭ ꤥ꤬ꤕꤢ꤭ꤒꤥ꤬ ꤚꤢꤪ ꤕꤚꤟꤤ꤬ꤥ꤬ ꤊ꤉ꤟꤥ꤬ ꤒꤢ꤬ꤙꤢꤪ꤭ ꤔꤟꤤꤖꤢꤨ ꤔꤛꤣ꤬ ꤔꤛꤣ꤬ꤗꤢ꤬ ꤕꤚꤟꤢꤧ꤬ ꤥ꤬ꤙꤤ ꤞꤤꤚꤤꤘꤢꤪ꤭ ꤒꤣ꤬ꤕꤚꤟꤢꤧ꤬ ꤟꤢꤩꤏꤥ꤬ ꤕꤟꤢꤩꤘꤢꤦ꤬꤯
ꤞꤢꤧꤑꤢꤩ꤭ꤔꤟꤤ ꤕꤟꤥ ꤔꤢ ꤙꤤ ꤞꤤꤚꤤꤘꤢꤪ꤭ ꤔꤛꤣ꤬ ꤕꤚꤟꤢꤩꤔꤥꤟꤌꤣ꤭ ꤒꤣ꤬ꤋꤟꤌꤣ꤭ ꤗꤢ꤬ ꤢ꤬ꤓꤛꤢ꤬ ꤁꤅꤀꤀꤀ ꤡꤢ ꤒꤟꤛꤣ ꤂꤃꤀꤀꤀ ꤡꤢ ꤓꤛꤣ꤭ ꤟꤌꤣ꤭ꤗꤟꤛꤢ꤬ ꤔꤛꤣ꤬ ꤒꤣ꤬ꤋꤟꤌꤣ꤭ ꤗꤢ꤬ ꤁꤂꤀꤀꤀ ꤡꤢ ꤒꤟꤛꤣ ꤁꤅꤀꤀꤀ꤡꤢ ꤖꤢꤨꤔꤛꤣ꤬꤯
ꤘꤣ ꤢ꤬ꤚꤟꤢꤩ ꤒꤣ꤬ꤔꤢ꤬ ꤊꤟꤢꤩꤡꤟꤢꤦ꤬ꤚꤛꤢ ꤒꤟꤢꤒꤥ꤬ꤚꤢꤪ ꤛꤢꤩ꤭ꤒꤢ꤬ꤔꤢ꤬ ꤢ꤬ꤊꤢꤨ꤭ ꤊꤢ꤬ꤛꤢ꤭ꤒꤢ꤬ꤟꤢꤩ꤬ꤟꤢꤩ꤬ ꤙꤢꤧ꤬ꤤ꤬ꤕꤚꤟꤤ꤬ ꤢꤩ꤬ꤟꤌꤣ꤭ ꤓꤛꤣ꤭ ꤙꤟꤌꤣꤟꤌꤣ꤭ ꤓꤢꤩ꤬ꤜꤢ꤭ꤟꤤꤒꤥ꤬ ꤛꤢꤩ꤭ꤒꤢ꤬ꤔꤢ꤬ꤔꤛꤣ꤬ ꤋꤛꤢꤙꤢꤧ꤬ꤋꤛꤢꤩ꤭ꤕꤟꤥ ꤔꤢ ꤓꤛꤢꤩ꤭ꤘꤢꤨ꤬ ꤒꤟꤢꤧ꤬ꤕꤟꤛꤢꤒꤟꤢꤧ꤬ꤏꤢꤧ꤭ ꤛꤢꤩ꤭ꤔꤛꤣ꤬ꤔꤛꤣ꤬꤯
ꤕꤚꤟꤢꤧ꤬ꤥ꤬ꤙꤤ ꤔꤛꤣ꤬ꤒꤢ꤬ꤟꤢꤩ꤬ ꤜꤢ꤭ꤏꤢ꤭ꤗꤛꤢꤔꤢ ꤗꤥꤙꤛꤢꤧꤓꤛꤢꤩ꤭ꤋꤢꤪ꤬ ꤒꤟꤢ꤭ꤕꤟꤢꤧ꤭ ꤢ꤬ꤋꤢꤨ꤬ꤢ꤬ꤋꤛꤢꤩ꤭ ꤘꤢꤪ꤭ꤥ꤬ꤘꤣ ꤓꤛꤢꤩ꤭ꤋꤢꤪ꤬ ꤙꤢꤧꤜꤟꤛꤢ꤬ ꤒꤢ꤬ꤊꤜꤢꤪ ꤜꤟꤛꤢꤚꤢꤪ꤬ ꤟꤢꤩ꤬ꤋꤢꤨ꤬ ꤋꤢ꤭ꤜꤟꤢꤩꤜꤟꤛꤢ ꤕꤛꤢꤩꤊꤛꤢ꤭ ꤘꤣ ꤢ꤬ꤐꤟꤢꤧ꤬ꤊꤢꤨ꤭ ꤯
ꤗꤟꤛꤢ꤬ꤊꤟꤢꤩ ꤊꤜꤢ꤭ꤗꤢꤩ꤭ ꤢ꤬ꤞꤛꤢꤔꤢ ꤖꤢꤨ ꤟꤥ꤭ꤓꤢꤧ꤭ꤜꤟꤢꤧ꤭ (ꤗꤢꤘꤢ꤬ꤜꤢꤩ ꤒꤣꤧ꤭), ꤕꤢ꤬ꤌꤥ꤭ꤒꤣꤧ꤭, ꤕꤢ꤬ꤊꤢꤦ꤭ꤊꤟꤢꤩ, ꤗꤢ꤬ꤌ꤉ꤢꤩ꤭ꤒꤣꤧ꤭, ꤛꤢ꤭ꤊꤢꤨ꤬ꤊꤟꤢꤩ (ꤛꤢ꤬ꤊꤥ꤬) ꤊꤟꤢꤩꤗꤣ꤭ꤒꤢ꤬ꤟꤢꤩ꤬ ꤋꤛꤢꤙꤢꤧ꤬ꤊꤟꤌꤣ꤭ꤊꤟꤌꤣ꤭ ꤒꤟꤢꤧ꤬ꤕꤟꤛꤢꤒꤟꤢꤧ꤬ꤏꤢꤧ꤭ ꤓꤛꤢꤩ꤭ꤘꤢꤨ꤬ ꤖꤢꤨꤛꤢꤩ꤭ ꤔꤛꤣ꤬ꤔꤛꤣ꤬꤯
