ꤊꤟꤢꤩꤡꤟꤢꤦ꤬ ꤏꤢꤦꤜꤢꤦ꤭ ꤚꤢꤪ ꤞꤤꤚꤤꤘꤢꤪ꤭ ꤟꤤ꤬ꤥ꤬ ꤖꤢꤦ꤬ ꤔꤢ ꤓꤛꤢꤩ꤭ꤜꤟꤛꤢ꤭ꤗꤟꤌꤣ (ꤙꤤ꤬ꤜꤢꤨ꤭ꤡꤏꤢꤪ꤭)ꤟꤤ꤬ ꤁꤅꤀ ꤗꤢꤩ꤭ ꤓꤛꤢꤩ꤭ꤓꤛꤢ꤬ꤕꤜꤢꤦ꤬ ꤙꤤꤊꤛꤢ꤭ ꤔꤛꤣ꤬ꤗꤢ꤬ ꤗꤟꤢ ꤘꤣ ꤕꤚꤟꤢꤩꤔꤥ ꤊꤟꤢꤩ ꤡꤤꤜꤟꤛꤢ꤬ ꤒꤢ꤬ꤊꤛꤢꤩ꤭ ꤢ꤬ꤖꤢꤦ꤬ ꤔꤢ ꤊꤢ꤬ꤛꤢ꤭ꤜꤟꤤ꤬ ꤊꤟꤢꤩ ꤗꤥ꤭ꤙꤛꤢꤧ ꤓꤛꤢꤩ꤭ꤋꤢꤪ꤬ ꤓꤛꤢꤩ꤭ꤙꤢ꤭ꤓꤛꤢ꤬ ꤚꤢꤪ ꤙꤢꤗꤥ꤭ꤒꤟꤢ꤭ꤊꤛꤢ꤭ ꤢ꤬ꤋꤢꤨ꤬ꤢ꤬ꤋꤛꤢꤩ꤭ ꤔꤛꤣ꤬ꤗꤢ꤬ ꤊꤢ꤬ꤛꤢ꤭ꤥ꤬ꤙꤤ ꤔꤛꤣ꤬ ꤒꤢ꤬ꤟꤢꤩ꤬ ꤟꤢꤩꤏꤥ꤬ꤕꤟꤢꤩꤘꤢꤦ꤬꤯
ꤙꤤ ꤛꤢꤩ꤭ꤒꤣ꤬ꤜꤢꤧ꤭ ꤃ ꤞꤢꤧ꤭ ꤢ꤬ꤋꤢꤧ꤭ ꤔꤛꤣ꤬ ꤗꤟꤛꤢ꤬ꤐꤢꤩ꤬ꤕꤚꤟꤥ꤬ ꤙꤛꤢ꤬ꤡꤢꤧ꤬ ꤙꤢꤗꤥ꤭ꤒꤟꤢ꤭ꤊꤛꤢ꤭ ꤗꤥꤙꤛꤢꤧꤓꤛꤢꤩ꤭ꤋꤢꤪ꤬ ꤛꤢꤩ꤭ꤔꤛꤣ꤬꤯
ꤕꤜ꤉ꤥ꤭ꤗꤥ꤭ꤒꤟꤢ꤭ꤘꤢꤦ꤬ ꤓꤛꤢꤩ꤭ ꤁ ꤗꤢꤦ꤭ ꤒꤣ꤬ꤟꤢꤦ꤬ ꤚꤢꤪ ꤓꤛꤢꤩ꤭ꤜꤟꤛꤢ꤭ꤗꤟꤌꤣ ꤛꤢꤩ꤭ ꤢ꤬ꤒꤟꤢ꤭ꤊꤢ꤬ꤜꤟꤛꤢ꤬ ꤚ꤉ꤟꤥꤔꤢ ꤞꤤꤚꤤꤘꤢꤪ꤭ ꤠꤟꤤ꤭ ꤘꤢꤪ꤭ꤊꤛꤢꤩ꤭ ꤔꤛꤣ꤬ꤗꤢ꤬ ꤘꤢꤪ꤭ꤢꤨꤋꤢꤨ꤬ ꤒꤟꤛꤣꤘꤣ ꤔꤢꤊꤢꤨ ꤘꤢꤪ꤭ꤊꤛꤢꤩ꤭ ꤓꤛꤣ꤭ ꤢ꤬ꤓ꤉ꤤꤊꤢ꤬ꤜꤟꤛꤢ꤬ ꤚ꤉ꤟꤥ ꤔꤢ ꤘꤢꤪ꤭ꤊꤛꤢꤩ꤭ ꤁꤃ ꤊꤟꤌꤣ꤬ ꤔꤛꤣ꤬ꤕꤚꤢꤧ꤯
ꤗꤢꤩꤎꤢꤨ, ꤘꤢꤪ꤬ꤔꤥ꤭ꤊꤢꤨ꤭, ꤔꤢꤊꤥ ꤔꤢ ꤖꤢ꤬ꤛꤢꤔꤤ꤬ ꤘꤢꤪ꤭ꤊꤛꤢꤩ꤭ ꤒꤢ꤬ꤟꤢꤩ꤬ ꤓꤛꤢꤩ꤭ꤕꤜꤢꤦ꤬ꤊꤛꤢ꤭ ꤓꤛꤣ꤭ ꤔ꤉ꤢ꤭ꤜꤢ꤬ꤙꤥ ꤘꤢꤪ꤭ ꤊꤜꤛꤢ ꤔꤛꤣ꤬ꤗꤢ꤬ ꤓꤛꤢꤩ꤭ꤒꤟꤢꤪ꤬ꤜꤟꤢꤪ꤭ꤜꤟꤢꤪ꤭, ꤞꤤꤚꤤꤘꤢꤪ꤭, ꤘꤢꤪ꤭ꤔꤥꤊꤢꤨ꤭ꤖꤢꤨ ꤒꤢ꤬ꤕꤚꤟꤢꤧ꤬ ꤟꤢꤩꤏꤥ꤬ꤕꤟꤢꤩ ꤖꤢꤨꤔꤛꤣ꤬꤯
“ ꤒꤟꤌꤣ ꤋꤥ꤭ꤑꤟꤢ ꤓꤛꤢꤩ꤭ꤜꤟꤛꤢ꤭ꤗꤟꤌꤣꤛꤢꤩ꤭ ꤢ꤬ꤘꤢꤨ꤬ꤕꤢ꤭, ꤢ꤬ꤚꤟꤢꤩꤒꤢ꤬ꤔꤛꤢꤩ꤭ ꤢ꤬ꤓꤛꤢ꤬ꤒꤟꤛꤣ ꤡꤢꤪ ꤘꤣ ꤋꤥꤋꤢꤨ꤬ " ꤢ꤬ꤟꤢꤩꤘꤢꤦ꤬꤯
ꤢ꤬ꤟꤢꤩꤕꤜꤢꤩ꤬ꤟꤛꤢ꤭ꤘꤢꤦ꤬ ꤔꤢ ꤋꤥ꤭ꤑꤟꤢ ꤓꤛꤢꤩ꤭ꤜꤟꤛꤢ꤭ꤗꤟꤌꤣ ꤘꤢꤨ꤬ꤙꤤ ꤟꤤ꤬ꤖꤢꤨꤖꤛꤢ꤭ꤖꤢꤨ ꤟꤤ꤬ ꤒꤢ꤬ꤟꤢꤩ꤬ ꤢꤧ꤬ꤞꤤ꤭ ꤞꤎꤢꤪꤞꤎꤢꤦ ꤡꤛꤣꤥ꤬ꤊꤟꤌꤣꤚꤟꤢꤩꤕꤢ꤭ ꤘꤣ ꤕꤢ꤬ꤡꤟꤢꤧꤘꤢꤪ꤭ ꤢ꤬ꤥ꤬ꤒꤢ꤬ꤖꤢ꤭ ꤔꤢ ꤓꤛꤢꤩ꤭ꤛꤢꤩ꤭, ꤒꤢ꤬ꤟꤢꤩ꤬ꤟꤢꤩ꤬ ꤗꤢ꤬ ꤡꤛꤣꤥ꤬ꤊꤟꤌꤣꤚꤟꤢꤩ ꤕꤢ꤭ꤘꤣ ꤢꤧ꤬ꤞꤤ꤭ ꤕꤟꤌꤣꤠꤟꤛꤢ ꤒꤢ꤬ꤟꤢꤩ꤬ꤢ꤬ꤟꤤ꤬ ꤖꤢꤨꤔꤛꤣ꤬꤯
ꤊꤟꤢꤩꤡꤟꤢꤦ꤬ꤏꤤꤜꤢꤦ꤭ ꤢ꤬ꤋꤢꤨ꤬ꤢ꤬ꤋꤛꤢꤩ꤭ ꤙꤤ ꤞꤤꤚꤤꤘꤢꤪ꤭ ꤠꤟꤤ꤭ꤕꤚꤟꤢꤧ꤬ ꤊꤜꤛꤢ꤬ꤜꤟꤥ꤬ꤓꤛꤢꤩ꤭ꤜꤟꤢꤩ ꤢ꤬ꤙꤢꤧ꤬ꤕꤟꤛꤢ ꤒꤢ꤬ꤟꤢꤩ꤬ ꤢ꤬ꤥ꤬ꤗꤟꤥ꤬ꤥ꤬ꤏꤢ꤬ ꤕꤢ꤭ꤜꤢ꤬ꤟꤛꤢ꤭ꤒꤥ꤬ ꤚꤢꤪ ꤗꤟꤛꤢ꤬ꤊꤟꤢꤩꤋ꤉ꤤ ꤒꤟꤢꤧ꤬ꤥ꤬ꤏ꤉ꤥ꤬ꤥ꤬ꤕꤚꤛꤢ꤭ ꤗꤢꤙꤥ꤭, ꤕꤚꤟꤢꤧ꤬ꤗꤟꤢꤩ꤬ꤕꤤ꤭ ꤗꤤ꤬ ꤢ꤬ꤕꤜꤢꤪ, World Vision ꤢ꤬ꤕꤜꤢꤪꤢ꤬ꤗꤟꤢꤨ꤬ ꤒꤢ꤬ꤟꤢꤩ꤬ ꤡꤛꤣ ꤗꤟꤢꤩ꤬ꤡ꤉ꤟꤥ ꤜꤢ꤬ꤟꤛꤢ꤭ꤘꤢꤦ꤬ ꤢꤧ꤬ꤞꤤ꤭ ꤔꤛꤣ꤬ ꤗꤢ꤬ ꤘꤢꤪ꤭ꤖꤢꤨꤏꤥ꤬ꤖꤢꤨ ꤒꤣ꤬ꤕꤚꤟꤢꤧ꤬ ꤟꤢꤩꤕꤟꤢꤩꤘꤢꤦ꤬ ꤖꤢꤨꤛꤢꤩ꤭꤯
“ ꤢꤨ꤭ꤗꤟꤢꤩ꤬ꤡ꤉ꤟꤥꤘꤢꤦ꤬ ꤟꤤ꤬ꤚꤟꤛꤢꤖꤢꤨ ꤗꤟꤢꤩ꤬ꤓꤛꤢ꤬ ꤔꤢ ꤗꤥꤊꤢ꤬ꤒꤢ꤬ꤟꤢꤩ꤬, ꤓꤛꤢꤩ꤭ꤜꤟꤢꤩꤥ꤭, ꤒꤟꤢꤧ꤬ꤋꤢꤨ꤬ꤒꤟꤢꤧ꤬ꤒꤟꤛꤢꤩ ꤔꤢ ꤜꤟꤢꤩꤢꤩ꤬ꤜꤟꤢꤩꤥ꤭ ꤒꤢ꤬ꤟꤢꤩ꤬ " ꤟꤢꤩꤘꤢꤦ꤬꤯
ꤢ꤬ꤥ꤬ꤖꤢꤦ꤬ ꤔꤢ ꤓꤛꤢꤩ꤭ꤜꤟꤛꤢ꤭ꤗꤟꤌꤣ ꤘꤢꤪ꤭ꤖꤢꤨꤏꤥ꤬ꤖꤢꤨ ꤒꤢ꤬ꤟꤢꤩ꤬ ꤗꤢ꤬ ꤕꤚꤟꤢꤧ꤬ꤗꤟꤢꤩ꤬ ꤢꤩ꤬ꤒꤢꤧ꤭, ꤕꤚꤟꤢꤧ꤬ꤟꤛꤢ꤭ꤢꤩ꤬ ꤜꤟꤛꤢ ꤒꤢ꤬ꤟꤢꤩ꤬ꤕꤚꤢꤧ ꤚꤢꤪ ꤙꤢꤩ꤬ꤐꤟꤢꤪ꤬ ꤓꤛꤢꤩ꤭ꤜꤟꤢꤩ ꤓꤛꤣ꤭ ꤓꤢꤩ꤬ꤊꤜꤛꤢ꤬ꤡꤛꤣ ꤒꤢ꤬ꤖꤢ꤭ ꤘꤣ ꤘꤢ꤬ꤗꤢ꤬ꤛꤥ꤬ ꤘꤢꤪ꤭ꤊꤛꤢꤩ꤭ ꤖꤢꤨꤔꤛꤣ꤬꤯
