ꤗꤟꤛꤢ꤬ꤊꤟꤢꤩꤋ꤉ꤤꤞꤢꤧ꤭ ꤊꤢ꤬ꤘꤢ꤭ꤊꤢꤨ꤭ ꤔꤛꤣ꤬ ꤕꤚꤟꤢꤧ꤬ꤥ꤬ꤋꤢ꤭ꤜꤟꤢꤩ ꤒꤢ꤬ꤟꤢꤩ꤬ ꤞꤢꤩꤐꤟꤢꤦ ꤒꤟꤥꤊꤜꤥ꤭ ꤘꤣ ꤜꤥ꤬ꤘꤛꤢꤩꤚꤢ꤭ꤒꤥ꤬ ꤓꤛꤣ꤭ ꤡꤛꤣꤒꤢ꤬ꤜ꤉ꤥ ꤌꤢꤩ
Wednesday, 22 February 2012 11:05ꤗꤟꤛꤢ꤬ꤊꤟꤢꤩꤋ꤉ꤤ ꤟꤛꤢ꤭ꤗꤟꤢꤩ꤬ꤓꤛꤢ꤬ ꤚꤛꤢ ꤜꤟꤥꤡꤢꤧꤊꤜꤛꤢ ꤘꤣ ꤘꤤ꤭ꤗꤟꤢꤪꤏꤥ꤬ ꤓꤛꤢꤩ꤭ꤢꤪ꤬ ꤋꤢꤪ꤬ꤋꤢꤨ꤬(ꤍ꤉ꤢꤩ꤬ꤘꤢꤪ꤬ꤏꤢꤧ꤬ ꤒꤢ꤬ꤙꤢꤪ꤬)
Wednesday, 23 November 2011 16:06ꤊꤢ꤬ꤛꤢ꤭ꤜꤟꤤ꤬ꤊꤟꤢꤩ ꤘꤤ꤭ꤗꤟꤢꤪꤏꤥ꤬ꤠꤟꤤ꤭ꤗꤣ꤭ ꤊꤢꤨ꤭ ꤜꤟꤥꤡꤢꤧ ꤊꤜꤛꤢ ꤘꤣ (ꤍ꤉ꤢꤩ꤬ꤘꤢꤪ꤬ꤏꤢꤧ꤬) ꤓꤛꤢꤩ꤭ꤋꤢꤪ꤬ꤋꤢꤨ꤬ꤛꤢꤩ꤭ ꤢ꤬ꤕꤛꤢꤩꤢ꤬ꤊꤛꤢ꤭ ꤟꤢꤪꤚꤢꤪ ꤗꤟꤛꤢ꤬ꤊꤟꤢꤩꤋ꤉ꤤ ꤕꤚꤟꤢꤧ꤬ꤤ꤬ꤏꤢꤪꤒꤟꤢꤧ꤬ ꤢ꤬ꤕꤜꤢꤪꤢ꤬ꤗꤟꤢꤨ꤬ ꤟꤛꤢ꤭ꤗꤟꤢꤩ꤬ꤚꤛꤢ ꤕꤟꤢꤩꤟꤢꤪ ꤔꤛꤣ꤬ꤗꤢ꤬ ꤞꤢꤧꤑꤢꤩ꤭ꤔꤟꤤ ꤘꤢꤦ꤬ꤒꤟꤢꤧ꤬ꤚꤢꤩ꤬ ꤖꤢꤨꤔꤛꤣ꤬꤯
ꤋꤢ꤭ꤜꤟꤢꤩ ꤘꤣ ꤗꤟꤛꤢ꤬ꤊꤜꤛꤢꤩ꤭ ꤖꤛꤢꤩꤖꤢꤩ꤬ꤊꤛꤢ꤭ ꤛꤢꤩ꤭ ꤔꤛꤣ꤬ ꤍꤟꤥꤡꤤꤒꤟꤢ꤭ ꤔꤢ ꤙꤢꤧ꤬ ꤊꤢꤧꤘ꤉ꤟꤥ ꤖꤛꤢꤩꤘ꤉ꤟꤥ ꤜꤟꤢꤧꤊꤛꤢ꤭ ꤟꤢꤩꤘꤢꤦ꤬
Wednesday, 23 November 2011 15:57ꤞꤢꤧꤑꤢꤩ꤭ ꤔꤟꤤ ꤒꤟꤢꤧ꤬ꤚꤢꤩ꤬ ꤔꤢ ꤘꤣ ꤊꤢ꤬ꤛꤢ꤭ꤜꤟꤤ꤬ ꤊꤟꤢꤩꤊꤢꤨ꤭ ꤙꤤ ꤖꤚꤢꤨ꤬ꤏꤥ꤬ꤠꤟꤤ꤭ꤗꤣ꤭ꤊꤢꤨ꤭ ꤔꤛꤣ꤬ ꤟꤢꤩ꤬ꤋꤢꤨ꤬ꤋꤢ꤭ꤜꤟꤢꤩ ꤘꤣ ꤗꤟꤛꤢ꤬ꤊꤜꤛꤢꤩ꤭ ꤚꤟꤢꤩꤟꤢꤪ꤭ꤕꤜꤢꤪ ꤛꤢꤩ꤭ ꤢꤧ꤬ꤞꤤ꤭ ꤘꤛꤢ꤬ꤒꤟꤢ꤭ ꤍꤟꤥꤡꤤ ꤔꤢ ꤙꤢꤧ꤬ꤊꤢꤧꤘ꤉ꤟꤥꤜꤟꤢꤧ, ꤖꤛꤢꤩꤘ꤉ꤟꤥꤕꤚꤟꤛꤢ꤭ ꤊꤛꤢ꤭ ꤙꤟꤌꤣ ꤔꤢ ꤤ꤬ꤞꤎ꤉ꤤꤘꤢꤪ꤭ꤙꤛꤢ꤭ꤜꤢꤧ꤬ ꤒꤢ꤬ꤟꤢꤩ꤬ ꤟꤢꤩꤘꤢꤦ꤬꤯
ꤒꤟꤢꤧ꤬ꤕꤟꤢꤩ꤭ꤘ꤉ꤟꤥ꤭ ꤢ꤬ꤑꤢꤩ꤭ ꤊꤢꤩ꤬ꤢꤧ꤬ꤕꤤ꤬ꤕꤤ꤬ ꤒꤢ꤬ꤊꤛꤢꤩ꤭ ꤕꤜꤢꤪꤓꤛꤢ꤬ ꤢ꤬ꤕꤜꤢꤪ ꤢ꤬ꤗꤟꤢꤨ꤬ ꤥ꤬ꤒꤥ꤬ ꤗꤢ꤬ꤔꤢ ꤟꤢꤩꤙꤢꤧ꤬ꤗꤢ꤬ ꤢ꤬ꤔꤟꤤ ꤟꤢꤩꤘꤢꤦ꤬
Wednesday, 23 November 2011 15:42ꤊꤢꤩ꤬ꤢꤧ꤬ꤕꤤ꤬ꤕꤤ꤬ ꤟꤢꤩꤘꤢꤦ꤬ ꤔꤢ ꤜꤟꤢꤩꤟꤢꤩꤙꤢꤧ꤬ ꤒꤟꤢꤧ꤬ꤕꤢꤩ꤭ꤘ꤉ꤟꤥ꤭ ꤢ꤬ꤑꤢꤩ꤭ ꤗꤟꤛꤢ꤬ꤊꤟꤢꤩꤋ꤉ꤤ ꤢꤨꤒꤢꤩ꤭ꤎꤢꤩ꤬ ꤔꤢ ꤕꤚꤟꤢꤧ꤬ꤕꤟꤢꤦ ꤏꤤꤜꤢꤨꤏꤤꤔꤟꤛꤢ꤬ ꤢ꤬ꤕꤜꤢꤪ ꤢ꤬ꤕꤜꤢꤧ꤬ꤊꤢꤨ꤭ ꤖꤛꤢꤩꤒꤟꤢꤧ꤬ꤏꤢꤥ꤬ꤊꤟꤌꤣ ꤓꤛꤣ꤭ꤚꤢꤪ ꤟꤢꤩꤙꤢꤧ꤬ ꤔꤢ ꤓꤛꤢꤩ꤭ꤊꤟꤢꤩꤚꤢꤩ꤬ ꤗꤢ꤬ ꤥ꤬ꤒꤢ꤬ꤚꤤ꤬ꤔꤢꤩ꤬ ꤘꤢꤦ꤬ꤟꤢꤪ ꤟꤢꤩꤘꤢꤦ꤬꤯
ꤊꤢ꤬ꤛꤢ꤭ꤜꤟꤤ꤬ ꤗꤟꤌꤣ ꤕꤟꤢꤒꤟꤢ꤭ ꤊꤢ꤬ꤜꤢꤨꤜꤣ ꤋꤢꤨ꤬ꤊꤟꤌꤣ ꤜꤢ꤬ꤞꤢꤧ (ꤜꤢꤩ꤬ꤓꤤ꤭) ꤘꤣ ꤗꤟꤛꤢ꤬ꤊꤟꤢꤩꤚꤢꤩ꤬ ꤢ꤬ꤒꤟꤢꤧ꤬ꤊꤟꤢꤨꤊꤟꤢꤚꤟꤢꤨꤚꤟꤛꤢ꤬ ꤢ꤬ꤑꤢꤩ꤭
Wednesday, 09 November 2011 11:46ꤗꤟꤛꤢ꤬ꤊꤟꤢꤩꤚꤢꤩ꤬ ꤔꤢ ꤊꤢ꤬ꤛꤢ꤭ꤜꤟꤤ꤬ꤗꤛꤢꤩ꤭ꤡꤣ꤬ ꤜꤟꤢꤩꤏꤤ꤬ꤕꤜꤢꤧꤙꤢꤧ ꤘꤣ ꤒꤟꤢꤧ꤬ꤏꤛꤢ꤬ ꤊꤜꤟꤢꤪ꤬ꤘꤢꤪꤙꤤ ꤢ꤬ꤜꤟꤢꤧ꤭ ꤜꤟꤢꤩꤘꤛꤢꤩꤞꤢꤧꤑꤢꤩ꤭ ꤙꤢꤧꤊꤟꤌꤣ꤭ ꤢ꤬ꤑꤢꤩ꤭ ꤊꤢ꤬ꤛꤢ꤭ꤜꤟꤤ꤬ ꤕꤚꤟꤢꤧ꤬ꤗꤢꤪ꤬ꤖꤢꤨ ꤢ꤬ꤊꤢ꤬ꤜꤢꤨꤜꤣ ꤒꤣ꤬ꤕꤚꤟꤢꤧ꤬ ꤓꤛꤢ꤬ꤥ꤬ ꤕꤢ꤬ ꤜꤥ꤬ꤘꤣ ꤕꤢ꤬ꤞꤛꤣ꤬ꤊꤜꤢꤧ꤭ ꤚꤢꤪ ꤤ꤬ꤕꤟꤢꤒꤟꤢ꤭ ꤘꤢꤦ꤬ ꤊꤟꤌꤣ꤭ꤒꤢ꤬ꤖꤢꤪ꤭ ꤊꤢꤨ꤭ ꤢ꤬ꤓꤛꤢ꤬ꤜꤣ꤭ ꤂ ꤗꤣꤧ꤬ ꤔꤢ ꤋꤢꤨ꤬ꤊꤟꤌꤣ ꤜꤢ꤬ꤞꤢꤧ (ꤜꤢꤩ꤬ꤓꤤ꤭)ꤛꤢꤩ꤭ ꤔꤛꤣ꤬꤯
ꤊꤢ꤬ꤛꤢ꤭ꤜꤟꤤ꤬ꤊꤜꤛꤢꤩ꤭ ꤔꤢ ꤗꤟꤛꤢ꤬ꤊꤟꤢꤩꤋ꤉ꤤ ꤊꤜꤛꤢꤩ꤭꤬ ꤋꤢꤧꤋꤛꤢꤩ꤭ꤜꤢꤨ꤭ꤚꤢꤪ ꤗꤛꤟꤢ꤬ꤊꤜꤛꤢꤩ꤭ ꤙꤢꤧ꤬ꤗꤟꤢꤨ꤬ ꤞꤢꤚꤢꤘꤢꤨ꤬ ꤒꤟꤢ꤭ꤊꤛꤢ꤭ ꤂ꤕꤚꤟꤢꤧ꤬
Wednesday, 09 November 2011 10:53ꤙꤤ ꤔꤥ꤬꤉ꤢꤩ꤬ꤙꤢ꤬ꤜꤢꤧ꤭ ꤁ ꤞꤢꤧ꤭ ꤢ꤬ꤋꤢꤧ꤭ ꤊꤢ꤬ꤛꤢ꤭ꤜꤟꤤ꤬ꤊꤜꤛꤢꤩ꤭ ꤔꤢ ꤗꤟꤛꤢ꤬ꤊꤟꤢꤩꤋ꤉ꤤ ꤊꤜꤛꤢꤩ꤭ ꤒꤟꤢ꤭ꤏꤢꤦ꤬ꤋꤢꤧꤋꤛꤢꤩ꤭ ꤜꤢꤨ꤭ꤚꤢꤪ ꤗꤟꤛꤢ꤬ꤊꤜꤛꤢꤩ꤭ ꤒꤢ꤬ꤋꤥ ꤙꤢꤧꤗꤟꤢꤨ꤬ ꤞꤢꤚꤢꤘꤢꤨ꤬ ꤒꤟꤢ꤭ꤊꤛꤢ꤭ ꤂ꤕꤚꤟꤢꤧ꤬ ꤟꤢꤩꤘꤢꤦ꤬꤯
ꤊꤢꤩ꤬ꤘꤤ꤬ꤢ꤬ꤡꤤ꤬ ꤞꤢꤧꤐꤟꤢꤦ ꤔꤢꤪ꤭ꤓꤢꤦꤡꤢꤩ꤭ꤚꤟꤢꤩ ꤒꤟꤢꤧ꤬ꤗꤟꤢꤩ꤬ꤖꤤ꤬ꤗꤟꤢꤩ꤬ꤔꤢ꤬ ꤕꤚꤟꤢꤧ꤬ꤜꤟꤢꤨ꤬ ꤢ꤬ꤋ꤉ꤢ ꤢ꤬ꤛꤢ꤬ ꤢ꤬ꤚꤢꤩ꤬ ꤓꤛꤣ꤭ ꤚꤢꤪ ꤙꤢꤧ꤬ ꤗꤟꤢꤩ꤬ꤓꤛꤢ꤬ꤚꤛꤢꤔꤥ꤬ ꤜꤢꤪꤕꤤꤒꤢ ꤛꤢꤩ꤭
Wednesday, 09 November 2011 10:07ꤙꤤ ꤗꤟꤛꤢ꤬ꤊꤟꤢꤩꤛꤢꤩ꤭ ꤏꤤ꤬ꤜꤤ꤬ꤗꤤ꤬ ꤘꤣ ꤢ꤬ꤘꤢꤨ꤬ ꤙꤤ ꤊꤢ꤬ꤛꤢ꤭ꤜꤟꤤ꤬ꤊꤟꤢꤩ ꤜꤢꤪꤕꤤ꤬ꤒꤢ ꤢ꤬ꤗꤢ ꤔꤛꤢꤩ꤭ ꤡꤢꤧꤚꤟꤛꤢ꤬ꤋꤢ꤭ꤜꤟꤢꤩ ꤔꤛꤣ꤬ ꤡꤢ꤬ꤕꤢ꤬ ꤓꤛꤢꤩ꤭ꤊꤟꤢꤩꤋ꤉ꤤ ꤜꤟꤢꤩꤗꤟꤢꤩ꤬ꤡ꤉ꤟꤥ ꤗꤟꤛꤢ꤬ꤊꤟꤢꤩ ꤜꤟꤢꤩꤗꤟꤢꤩ꤬ꤚꤛꤢꤋꤛꤢꤩ꤭ ꤛꤢꤩ꤭ ꤢ꤬ꤑꤢꤩ꤭ ꤒꤥ꤭ꤊꤢꤪ꤬ ꤓꤢꤦꤡꤢꤩ꤭ꤚꤟꤢꤩ ꤒꤟꤢꤧ꤬ꤗꤟꤢꤩ꤬ꤖꤤ꤬ꤗꤟꤢꤩ꤬ꤔꤢ꤬ ꤕꤚꤟꤢꤧ꤬ꤜꤟꤢꤨ꤬ ꤢ꤬ꤋ꤉ꤢꤢ꤬ꤛꤢ꤬ ꤢ꤬ꤚꤢꤩ꤬ ꤓꤛꤣ꤭ꤚꤢꤪ ꤒꤥ꤭ꤗꤟꤢꤩ꤬ꤔꤥ꤬ ꤒꤟꤢꤧ꤬ꤒꤢ꤬ꤚꤤ꤬ꤊꤜꤟꤢꤪ꤬ꤓꤛꤢ꤬ ꤒꤟꤢꤧ꤬ꤗꤟꤢꤩ꤬ꤡ꤉ꤟꤥ ꤖꤢꤨꤔꤛꤣ꤬ ꤔꤛꤣ꤬ꤗꤢ꤬ ꤊꤢꤩ꤬ꤘꤤ꤬ꤢ꤬ꤡꤤ꤬ ꤟꤢꤩꤘꤢꤦ꤬ ꤖꤢꤨꤔꤛꤣ꤬꤯
ꤊꤢ꤬ꤛꤢ꤭ꤜꤟꤤ꤬ ꤕꤚꤟꤢꤧ꤬ꤙꤢꤧ꤬ꤕꤟꤛꤢꤙꤢꤧ꤬ꤏꤢꤧ꤭ꤖꤢꤨ ꤒꤢ꤬ꤕꤚꤟꤢꤧ꤬ ꤢ꤬ꤗꤟꤢꤩ꤬ꤞꤛꤢꤩ꤭ꤔꤟꤤꤘꤢꤦ꤬ ꤢ꤬ꤔꤟꤢꤩ
Tuesday, 08 November 2011 10:46ꤊꤢ꤬ꤛꤢ꤭ꤜꤟꤤ꤬ ꤕꤚꤟꤢꤧ꤬ꤙꤢꤧ꤬ꤕꤟꤛꤢꤙꤢꤧ꤬ꤏꤢꤧ꤭ꤖꤢꤨ ꤢ꤬ꤔꤢ꤬ꤥ꤬ꤟꤢꤪ ꤆꤆ ꤔꤢ꤬ ꤒꤢ꤬ꤕꤚꤟꤢꤧ꤬ ꤘꤣ ꤢ꤬ꤥ꤬ ꤙꤤ ꤕꤚꤢꤩꤛ꤉ꤤ꤬ ꤔꤢ ꤗꤟꤛꤢ꤬ ꤊꤟꤢꤩꤊꤢꤦ꤭ ꤊꤢ꤬ꤛꤢ꤭ꤜꤟꤤ꤬ ꤕꤚꤟꤢꤧ꤬ꤙꤢꤧ꤬ꤕꤟꤛꤢꤙꤢꤧ꤬ꤏꤢꤧ꤭ ꤢ꤬ꤗꤢ ꤁ ꤋꤢ꤭ꤜꤟꤢꤩ ꤔꤛꤣ꤬ ꤙꤤ ꤔꤥ꤬꤉ꤢꤩ꤬ꤙꤢ꤬ꤜꤢꤧ꤭ (ꤜꤢꤧ꤭ꤏꤛꤢꤩ꤭ꤡꤢꤧ꤬ ꤜꤢꤧ꤬ꤔꤢꤧ꤭) ꤂ ꤞꤢꤧ꤭ ꤢ꤬ꤋꤢꤧ꤭ ꤢ꤬ꤡꤢꤪ꤭ꤞꤛꤢꤩ꤭ꤔꤟꤤꤘꤢꤦ꤬ ꤢ꤬ꤋꤛꤢ꤭ꤙꤥ꤭ ꤔꤢ ꤞꤎꤢꤨ꤬ꤕꤚꤛꤢꤩ꤬ ꤗꤢ꤬ꤔꤢꤚꤢꤪ ꤒꤟꤢꤧ꤬ꤚꤢꤩ꤬ꤒꤟꤢꤧ꤬ꤊꤛꤢ꤭ ꤒꤤ꤭ꤒꤢꤩ꤭ ꤔꤛꤣ꤬ꤗꤢ꤬ ꤞꤢꤧꤑꤢꤩ꤭ꤔꤟꤤꤔꤢꤒꤥ꤬꤯
ꤗꤟꤛꤢ꤬ꤊꤟꤢꤩ ꤋ꤉ꤤ ꤊꤜꤛꤢꤩ꤭ ꤤ꤬ꤕꤜꤢꤦ꤭ꤒꤟꤢ꤭ ꤗꤤ꤬ꤕꤟꤢꤪ ꤟꤢꤩ꤬ꤜꤟꤢꤧ꤭ ꤙꤤ ꤗꤢꤪ꤬ꤡꤏꤤꤠꤟꤤ꤭ ꤊꤢꤨ꤭ꤔꤛꤣ꤬ ꤚꤢꤪ ꤘꤢꤪ꤭ꤖꤢꤨꤏꤥ꤬ꤖꤢꤨ ꤕꤟꤢꤨꤕꤢ꤬ꤔꤟꤢꤧ ꤤ꤬ꤐꤤꤙꤢꤧ꤬ ꤞꤛꤢꤩ꤭ꤊꤛꤢ꤭
Wednesday, 02 November 2011 15:33ꤊꤢ꤬ꤛꤢ꤭ꤜꤟꤤ꤬ꤊꤟꤢꤩ ꤘꤣ ꤗꤢꤪ꤬ꤡꤏꤤꤠꤟꤤ꤭ ꤔꤛꤣ꤬ ꤕꤚꤟꤢꤧ꤭ꤊꤢꤨ꤭ ꤒꤟꤢꤧ꤬ꤒꤢ꤬ꤘ꤉ꤟꤥ꤭ꤒꤢ꤬ꤘꤤ ꤢ꤬ꤑꤢꤩ꤭ ꤗꤟꤛꤢ꤬ꤊꤟꤢꤩꤋ꤉ꤤ ꤢ꤬ꤕꤜꤢꤦ꤭ꤒꤟꤢ꤭ ꤗꤤ꤬ꤕꤟꤢꤪ ꤟꤢꤩ꤬ꤜꤢꤧ꤭ ꤚꤢꤪ ꤘꤢꤪ꤭ꤖꤢꤨꤏꤥ꤬ꤖꤢꤨ ꤕꤟꤢꤨꤕꤢ꤬ꤔꤟꤢꤧ ꤐꤟꤤꤙꤢꤧ꤬ꤞꤛꤢꤩ꤭ ꤒꤢ꤬ꤗꤥ꤭ ꤖꤢꤨꤔꤛꤣ꤬꤯
ꤓꤛꤢꤩ꤭ꤘꤢꤨ꤬ ꤞꤤꤚꤤꤘꤢꤪ꤭ ꤚꤢꤪ ꤟꤌꤣ꤭ꤍꤟꤢꤨ꤬ ꤓꤛꤢ꤬ꤡꤟꤛꤢ ꤜꤣ ꤔꤛꤢꤩ꤭ꤟꤢꤦ꤬ ꤋꤢ꤭ꤜꤟꤢꤩꤕꤢ꤭
Wednesday, 02 November 2011 14:23ꤞꤢꤧꤑꤢꤩ꤭ꤔꤟꤤ ꤒꤟꤢꤧ꤬ꤚꤢꤩ꤬ ꤔꤢ ꤗꤟꤢꤘꤣ ꤓꤛꤢꤩ꤭ꤘꤢꤨ꤬ ꤞꤤꤚꤤꤘꤢꤪ꤭ ꤒꤣ꤬ꤜꤢꤧ꤭ ꤜꤣ ꤢ꤬ꤋꤢꤨ꤬ꤢ꤬ꤋꤛꤢꤩ꤭ ꤊꤢ꤬ꤛꤢ꤭ ꤥ꤬ꤙꤤ ꤔꤛꤣ꤬ꤒꤢ꤬ꤟꤢꤩ꤬ ꤕꤚꤟꤤ꤬ꤘꤛꤢ꤬ꤊ꤉ꤟꤥ꤬ ꤥ꤬ꤔꤢꤩ꤬ ꤟꤌꤣ꤭ ꤢ꤬ꤋꤢꤨ꤬ꤢ꤬ꤋꤛꤢꤩ꤭ ꤕꤚꤟꤢꤩꤔꤥꤟꤌꤣ꤭ ꤢ꤬ꤍꤟꤢ꤬ꤨ ꤍꤟꤢꤨ꤬ꤘꤢꤨ꤬ ꤓꤛꤢ꤬ꤜꤣ ꤡꤢꤪꤔꤛꤢꤩ꤭ꤟꤢꤦ꤬ꤋꤛꤢ ꤟꤢꤩꤘꤢꤦ꤬꤯
