ꤓꤛꤢꤩ꤭ꤊꤟꤢꤩꤋ꤉ꤤ ꤓꤛꤢ꤬ꤞꤢꤧ꤭ ꤛꤢꤩ꤭ ꤊꤢ꤬ꤛꤢ꤭ꤜꤟꤤ꤬ ꤜꤤ꤬ꤜꤟꤢꤧ꤬ ꤊꤢꤦꤚꤟꤢꤩ ꤓꤢꤨ꤬ꤜꤟꤛꤢ꤬ ꤒꤢ꤬ꤊꤜꤛꤢ꤬ꤜꤟꤢꤪ꤭ ꤕꤢ꤭ꤟꤟꤢꤧ꤭ ,,,
Written by ꤊꤢ꤬ꤛꤢ꤭ꤓꤢꤢꤧ꤭ Tuesday, 17 May 2011 12:49ꤕꤟꤥ꤬ꤓꤢꤩ꤬ ꤔꤟꤤꤊꤟꤌꤣ꤭ꤘꤢꤦ꤬ꤟꤢꤪ ꤊꤢ꤬ꤛꤢ꤭ꤜꤟꤤ꤬ ꤜꤤ꤬ꤜꤟꤢꤧ꤬ ꤜꤤ꤬ꤕꤜꤢꤪ꤬ꤗꤟꤌꤣ ꤛꤢꤩ꤭ ꤙꤢꤧ꤬ꤚꤤ꤬ ꤗꤟꤛꤢ꤬ꤜꤟꤢꤪ꤬ ꤓꤛꤢꤩ꤭ꤊꤟꤢꤩꤋ꤉ꤤ ꤋꤢꤨ꤬ ꤓꤛꤢ꤬ꤞꤢꤧ꤭ ꤋꤥ꤭ꤑꤟꤢꤛꤢꤩ꤭ꤔꤛꤣ꤬ ꤢ꤬ꤡꤟꤢꤨ꤭ꤢꤩ꤬ ꤊꤟꤌꤣ꤭ꤔꤢ ꤒꤥ꤬꤯ ꤞꤢꤚꤢꤘꤢꤨ꤬ ꤓꤢꤧ꤭ꤙꤢꤨ꤭ꤖꤢꤧ꤭ ꤕꤟꤥ꤬ꤓꤢꤩ꤬ ꤜꤤ꤬ꤕꤜꤢꤪ꤬ꤗꤟꤌꤣ ꤙꤤ ꤢ꤬ꤔꤢ꤬ ꤁꤉꤅꤈ ꤔꤢ꤬ ꤔꤛꤣ꤬ ꤚꤢꤪ ꤗꤟꤛꤢ꤬ꤜꤟꤢꤪ꤬ꤋ꤉ꤤ ꤗ-ꤏ-ꤜ, ꤔ-꤉-ꤒ, ꤔ-ꤢ-ꤖ ꤊꤢ꤬ꤘꤢ꤭ꤊꤢꤨ꤭ ꤗꤟꤢꤩ꤬ꤒꤟꤢ꤭ꤒꤟꤢꤦ꤭ (ꤘꤛꤢꤩꤔꤢꤪ꤭ꤢꤩ꤬ꤒꤥ꤬) ꤒꤟꤛꤣ ꤋꤥ꤭ꤑꤟꤢ꤯
ꤜꤟꤥꤡꤢꤧꤘꤢꤨ꤬ꤘꤣ ꤢ꤬ꤘꤛꤢ꤬ꤊꤢ꤬ꤛꤢ꤭ ꤙꤤ ꤞꤤꤚꤤꤘꤢꤪ꤭ ꤟꤛꤢ꤭ꤘꤣ ꤛꤢ꤭ꤊꤢꤨ꤭ꤊꤟꤢꤩ ꤔꤛꤣ꤬ꤒꤢ꤬ꤋꤢꤨ꤬ ꤗꤢ꤬ ꤢ꤬ꤡꤢꤓꤢꤩ꤬ꤡꤛꤣ ꤙꤤ ꤗꤟꤢꤪꤜꤤ꤭ ꤔ꤉ꤥꤗꤢꤦ꤭ ꤢ꤬ꤋꤢꤧ꤭ꤔꤛꤣ꤬꤯ ꤚꤢꤪ ꤢ꤬ꤡꤛꤣꤒꤟꤛꤣꤟꤢꤪ ꤙꤤ ꤕꤚꤟꤢꤩꤔꤥ ꤔꤢ ꤊꤢ꤬ꤛꤢ꤭ꤜꤟꤤ꤬ꤊꤟꤢꤩꤊꤢꤦ꤭ ꤖꤢꤧ꤬ꤋꤥ꤭ ꤠꤟꤤ꤭ ꤔꤛꤣ꤬ꤢ꤬ꤋꤢꤧ꤭ ꤗꤢ꤬ ꤜꤟꤥꤡꤢꤧꤛꤢꤩ꤭ ꤢ꤬ꤥ꤬ꤊꤟꤌꤣ ꤊꤟꤌꤣꤚꤟꤢꤩꤕꤟꤢꤩ ꤘꤣ ꤕꤚꤟꤢꤧ꤬ꤏꤤ꤬ꤘꤛꤢ ꤒꤢ꤬ꤟꤢꤩ꤬ ꤜꤟꤢꤩ ꤊꤢ꤬ꤒꤟꤢ꤭ꤢꤩ꤬ ꤊꤟꤌꤣꤚꤟꤢꤩ ꤏꤢꤧ꤬ꤢꤩ꤬ ꤔꤢ ꤡꤛꤣꤊꤟꤌꤣꤊꤛꤢ꤭ ꤘꤣ ꤢ꤬ꤖ꤉ꤤ꤭ꤔꤢ ꤢ꤬ꤓꤛꤣ꤬ꤔꤛꤣ꤬꤯
