ꤊꤢ꤬ꤘꤢ꤬ꤚꤢ꤉ꤢ꤬ꤘꤤ꤬ ꤓꤣꤧ꤭(ꤗ) ꤒꤟꤢꤧ꤬ꤚꤢꤩ꤬ ꤢ꤬ꤕꤜꤢꤪ ꤛꤢꤩ꤭ ꤢ꤬ꤗꤟꤢ ꤊꤢ꤬ꤛꤢ꤭ꤜꤟꤤ꤬ ꤕꤚꤟꤢꤧ꤬ꤔꤢ꤬ꤡꤟꤢꤧ ꤖꤢꤨ ꤒꤢ꤬ꤟꤢꤩ꤬ ꤘꤣ ꤢ꤬ꤡꤛꤣꤓꤛꤢ꤬ ꤓꤛꤣ꤭ꤙꤢꤧꤚꤛꤢ ꤊꤟꤌꤣ꤭ꤟꤢꤪ ꤒꤟꤢꤧ꤬ꤚꤢꤩ꤬ ꤒꤟꤢꤧ꤬ꤗꤟꤢꤩ꤬ꤞꤛꤥ ꤘꤣ ꤢꤩ꤬ꤒꤢ꤬ꤔꤛꤢꤨ꤭ ꤘꤛꤢꤩꤒꤟꤢ꤭ꤘꤛꤢꤩ ꤙꤤ ꤡꤏꤢꤩ꤭ꤗꤣꤧ꤬ ꤕꤚꤟꤢꤩꤛ꤉ꤤ꤬ꤊꤟꤢꤩ ꤔꤛꤣ꤬ꤚꤢꤪ ꤊꤟꤢ꤬ꤕꤜꤢꤪꤓꤛꤢ꤬ ꤗꤟꤢꤩ꤬ꤓꤢꤩ꤬ ꤘꤛꤢꤩꤟꤢꤪ ꤜꤤ꤬ꤕꤢ꤬ꤏꤤ꤭ ꤛꤢꤩ꤭ꤒꤢ꤬ꤙꤢ꤬ ꤡꤢꤙꤤ ꤢꤪꤒꤥ꤬ꤙꤢ꤬ꤜꤢꤧ꤭ ꤂ ꤞꤢꤧ꤭, ꤂꤀꤀꤄ ꤔꤢ꤬ ꤢ꤬ꤋꤢꤧ꤭ꤔꤛꤣ꤬꤯

ꤊꤢ꤬ꤘꤢ꤬ꤚꤢ꤉ꤢ꤬ꤘꤤ꤬ ꤓꤣꤧ꤭(ꤗ) ꤒꤟꤢꤧ꤬ꤚꤢꤩ꤬ꤢ꤬ꤕꤜꤢꤪ ꤛꤢꤩ꤭ꤗꤢ꤬ ꤒꤟꤢꤧ꤬ꤐꤟꤢꤩ꤬ꤕꤜꤤ ꤒꤟꤢꤧ꤬ꤗꤛꤢꤏꤢꤦ꤭ ꤥ꤬ꤔꤢꤘꤣ ꤗꤟꤛꤢ꤬ꤊꤟꤢꤩꤢ꤬ꤊꤢꤨ꤭ ꤒꤟꤢꤧ꤬ꤚꤢ꤭ ꤒꤟꤢꤧ꤬ꤚꤢꤩ꤬ ꤒꤢ꤬ꤟꤢꤩ꤬ ꤊꤢꤦꤥ꤬ ꤙꤢꤧ꤬ꤙꤢꤦ꤬ꤜꤢ꤭ ꤙꤢꤧꤊꤟꤌꤣ꤭ ꤢ꤬ꤑꤢꤩ꤭ ꤔꤢ ꤘꤣ ꤗꤛꤢꤩ꤭ꤞꤛꤢꤖꤢꤨ ꤋꤢ꤭ꤜꤟꤢꤩ ꤒꤢ꤬ꤟꤢꤩ꤬ ꤢ꤬ꤊꤜꤢꤧ꤭ ꤒꤟꤢꤧ꤬ꤚꤢꤩ꤬ ꤒꤟꤢꤧ꤬ꤗꤟꤢꤩ꤬ꤛꤢꤩ꤭ ꤢ꤬ꤊꤢꤦ ꤡꤛꤣꤕꤢ꤬ꤏꤤ꤭ ꤒꤟꤛꤣꤙꤢꤧ ꤊꤟꤌꤣ꤭ ꤢ꤬ꤑꤢꤩ꤭ ꤓꤛꤣ꤭ ꤘꤣ ꤒꤟꤢꤧ꤬ꤚꤢ꤭ ꤜꤤ꤬ꤢ꤬ꤋꤢꤨ꤬ ꤔꤛꤣ꤬ ꤗꤟꤛꤢ꤬ꤊꤟꤢꤩ ꤊꤢꤦꤚꤟꤢꤩ ꤔꤟꤤꤙꤢꤧ꤬ꤊꤟꤢ꤬ꤋꤛꤢꤩ꤭ ꤞꤛꤢ ꤘꤤ꤬ꤗꤥ꤬ꤊꤢ꤬ꤚꤢꤩ꤬ꤎꤤꤢ ꤢ꤬ꤑꤢꤩ꤭ ꤒꤢ꤬ꤟꤢꤩ꤬ ꤔꤛꤣ꤬ꤕꤚꤢꤧ꤯

ꤙꤤ ꤊꤢ꤬ꤛꤢ꤭ꤜꤟꤤ꤬ ꤊꤟꤢꤩꤢ꤬ꤊꤢꤨ꤭ ꤛꤢꤩ꤭ ꤙꤢꤧ꤬ꤊꤛꤢꤔꤢ ꤒꤟꤢꤧ꤬ꤚꤢꤩ꤬ ꤒꤟꤢꤧ꤬ꤊꤛꤢ꤭ ꤜꤤ꤬ꤕꤢ꤬ꤏꤤ꤭ ꤒꤢ꤬ꤟꤢꤩ꤬ ꤢ꤬ꤥ꤬ꤒꤥ꤬, ꤓꤛꤣ꤭ ꤒꤛꤢ꤬ꤟꤤꤙꤤ ꤊꤢ꤬ꤘꤢ꤬ꤚꤢ꤉ꤢ꤬ꤘꤤ꤬ ꤓꤣꤧ꤭(ꤗ) ꤕꤜꤢꤪꤓꤛꤢ꤬ꤟꤤ ꤒꤥ꤬ ꤢ꤬ꤋꤢꤧ꤭ ꤔꤛꤣ꤬ꤗꤢ꤬ ꤡꤛꤣꤜꤢꤦ꤬ꤖꤛꤢꤩꤚꤟꤢꤩ ꤓꤛꤣ꤭ꤘꤢꤦ꤬ꤟꤢꤪ ꤊꤢ꤬ꤛꤢ꤭ꤜꤟꤤ꤬ ꤢ꤬ꤕꤜꤢꤪꤡꤢꤦ꤭ ꤢ꤬ꤓꤢꤦ꤭ꤢ꤬ꤘꤢꤪ ꤒꤢ꤬ꤟꤢꤩ꤬ ꤢ꤬ꤒꤟꤢꤧ꤬ ꤘꤛꤢꤩꤡꤢ꤬, ꤘꤢꤨ꤬ꤋꤢꤨ꤬,ꤓꤛꤢꤩ꤭ꤖꤢꤨꤊꤟꤢꤩꤖꤢꤨ ꤔꤢ ꤕꤚꤟꤢꤧ꤬ꤔꤢ꤬ꤡꤟꤢꤧꤖꤢꤨ, ꤕꤚꤟꤢꤧ꤬ꤗꤢꤪ꤬ ꤢ꤬ꤕꤜꤟ ꤔꤢ ꤕꤚꤟꤢꤧ꤬ꤗꤟꤢꤩ꤬ꤒꤟꤢꤧ꤬ꤚꤢꤩ꤬ ꤒꤢ꤬ꤟꤢꤩ꤬ ꤢ꤬ꤒꤟꤢꤧ꤬ꤘꤛꤢꤩꤡꤢ꤬ ꤒꤢ꤬ꤟꤢꤩ꤬ ꤓꤛꤣ꤭ ꤢ꤬ꤔꤥ꤬ ꤔꤛꤣ꤬ ꤕꤜꤢꤪꤓꤛꤢ꤬ꤘꤛꤢꤩꤟꤢꤪ ꤊꤢ꤬ꤘꤢ꤬ꤚꤢ꤉ꤢ꤬ꤘꤤ꤬ ꤓꤣꤧ꤭(ꤗ) ꤛꤢꤩ꤭꤯

ꤕꤚꤟꤢꤧ꤬ꤊꤜꤛꤢ꤬ꤜ꤉ꤥ꤬ ꤔꤢ ꤒꤟꤢꤧ꤬ꤏꤢꤒꤟꤢꤧ꤬ꤕꤢ꤭ ꤢ꤬ꤋꤢꤨ꤬ꤢ꤬ꤋꤛꤢꤩ꤭ ꤓꤛꤣ꤭ ꤙꤢꤧ꤬ꤟꤛꤢ꤭ꤥ꤬ ꤙꤢꤧ꤬ꤡꤢꤩ꤭ꤙꤢꤧ꤬ꤡꤢꤦ꤬ ꤙꤢꤧ꤬ꤕꤟꤛꤢꤙꤢꤧ꤬ꤏꤢꤧ꤭ ꤙꤤ ꤕꤚꤟꤢꤩꤛ꤉ꤤ꤬ꤊꤟꤢꤩ ꤒꤢ꤬ꤟꤢꤩ꤬ ꤢ꤬ꤒꤟꤢꤧ꤬ꤘꤛꤢꤊꤛꤢ꤭ ꤘꤣ ꤢ꤬ꤓ꤉ꤟꤥ꤭ꤗꤟꤢꤜꤢ꤬ꤊꤥ꤭ ꤒꤢ꤬ꤊꤜꤟ ꤔꤢ ꤘꤣꤊꤟꤢꤩꤊꤢꤨ꤭ ꤒꤟꤢꤧ꤬ꤗꤟꤢꤩ꤬ ꤒꤢ꤬ꤜ꤉ꤥꤒꤢ꤬ꤜꤛꤢꤩ꤬ ꤕꤚꤟꤢꤧ꤬ꤜꤟꤢꤨ꤬ ꤢ꤬ꤋ꤉ꤢꤢ꤬ꤛꤢ꤬ ꤒꤢ꤬ꤟꤢꤩ꤬ ꤢ꤬ꤓ꤉ꤟꤥ꤭ꤓꤛꤢ꤬ ꤒꤢ꤬ꤊꤜꤢꤪ ꤔꤛꤣ꤬ ꤖꤢꤨꤊꤢꤦꤚꤟꤢꤩ ꤟꤢꤩ꤬ꤋꤢꤨ꤬ꤏꤤ꤭ꤙꤢ꤬ ꤢ꤬ꤓꤢꤦ꤭ꤢ꤬ꤘꤢꤪ ꤞꤢꤧꤑꤢꤩ꤭ꤜꤟꤛꤣ꤭ ꤙꤢꤧꤊꤟꤌꤣ꤭ ꤓꤛꤣ꤭ ꤞꤢꤧꤐꤟꤢꤪ꤬ ꤊꤜꤢ꤬ꤙꤢꤧ꤬ꤚꤢꤪ ꤊꤤ꤬ꤗꤟꤢꤩ꤬ꤡ꤉ꤟꤥꤊꤟꤌꤣ꤭ ꤢ꤬ꤑꤢꤩ꤭ ꤔꤛꤣ꤬ꤢ꤬ꤋꤥ꤭ ꤊꤢ꤬ꤛꤢ꤭ꤜꤟꤤ꤬ ꤕꤚꤟꤢꤧ꤬ꤔꤢ꤬ꤡꤟꤢꤧꤖꤢꤨ ꤒꤢ꤬ꤟꤢꤩ꤬ ꤞꤢꤧꤕꤜꤢꤪ꤬ꤏ꤉ꤥ꤬ ꤚꤢꤪ ꤕꤜꤢꤪꤓꤛꤢ꤬ ꤛꤢꤩ꤭ꤟꤢꤪ ꤢ꤬ꤕꤜꤢꤪꤛꤢꤩ꤭ ꤒꤢ꤬ꤗꤟꤢꤨ꤬꤯

ꤘꤣ ꤢ꤬ꤚꤟꤢꤩꤋꤢꤧ꤭ ꤙꤤ ꤊꤢ꤬ꤛꤢ꤭ꤜꤟꤤ꤬ ꤊꤟꤢꤩ ꤥ꤬ꤙꤢꤧ꤬ꤙꤢꤦ꤬ꤜꤢ꤭ ꤘꤛꤢꤩꤘꤢꤦ꤬ ꤢ꤬ꤒꤟꤢꤧ꤭ꤕꤢ꤭ ꤢ꤬ꤋꤢꤧ꤭ꤗꤢ꤬ ꤊꤢ꤬ꤘꤢ꤬ꤚꤢ꤉ꤢ꤬ꤘꤤ꤬ ꤋꤢ꤭ꤜꤟꤢꤩ, ꤙꤢꤪ꤭ꤜꤢ꤬ꤋꤢꤧ ꤋꤢ꤭ꤜꤟꤢꤩ, ꤡꤢꤧ꤬ꤖꤥ꤭ꤡꤤ꤭ ꤋꤢ꤭ꤜꤟꤢꤩ ꤔꤢ ꤗꤥ꤭ꤙꤛꤢꤧ꤭ ꤋꤢ꤭ꤜꤟꤢꤩ ꤔꤛꤣ꤬ꤗꤢ꤬ ꤙꤢꤩ꤭ꤊꤛꤢꤩ꤭ꤥ꤬ꤘꤛꤢꤩ ꤋꤢ꤭ꤜꤟꤢꤩ ꤜ꤉ꤟꤤ꤭ꤖꤥ꤬ ꤓꤛꤣ꤭ ꤋꤢ꤭ꤜꤟꤢꤩ ꤒꤢ꤬ꤖꤥ꤬ ꤔꤢ ꤒꤢ꤬ꤖꤥ꤬ ꤡꤢꤪꤖꤛꤢ꤬ ꤕꤣ ꤘꤛꤢꤩꤘꤢꤦ꤬ ꤢ꤬ꤒꤟꤢꤧ꤬ ꤕꤚꤢꤧ꤯ ꤙꤤ ꤋꤢ꤭ꤜꤟꤢꤩ ꤜ꤉ꤟꤤ꤭ꤖꤥ꤬ ꤔꤛꤣ꤬ꤢ꤬ꤊꤢꤨ꤭ ꤖꤛꤢꤩꤓꤢꤩ꤬ꤢꤩ꤬ ꤘꤛꤢꤩꤟꤢꤪ ꤊꤢ꤬ꤘꤢ꤬ꤚꤢ꤉ꤢ꤬ꤘꤤ꤬ ꤢ꤬ꤗ꤉ꤟꤤ꤬ ꤔꤛꤣ꤬ꤓꤛꤣ꤭ ꤔꤢꤪ꤭ꤢꤩ꤬ꤘꤛꤢꤩꤟꤢꤪ ꤙꤤ ꤒꤟꤢꤧ꤬ꤚꤢꤩ꤬ꤢ꤬ꤕꤜꤢꤪ ꤛꤢꤩ꤭ ꤢ꤬ꤗ꤉ꤟꤤ꤬ ꤖꤢꤨꤔꤛꤣ꤬꤯

ꤊꤢ꤬ꤘꤢ꤬ꤚꤢ꤉ꤢ꤬ꤘꤤ꤬ ꤓꤣꤧ꤭(ꤗ) ꤢ꤬ꤕꤜꤢꤪꤛꤢꤩ꤭ ꤛꤢꤡꤢꤦꤘꤣ ꤗꤟꤢꤩ꤬ꤡ꤉ꤟꤥ ꤕꤜꤢꤩ꤬ꤟꤛꤢ꤭ ꤘꤛꤢꤩ ꤓꤛꤢꤩ꤭ꤖꤢꤨꤊꤟꤢꤩꤖꤢꤨ ꤘꤣ ꤘꤛꤢꤩꤞꤢꤧꤑꤢꤩ꤭ ꤕꤟꤢꤩ ꤒꤟꤢꤧ꤬ꤚꤢꤩ꤬ꤒꤟꤢꤧ꤬ꤊꤛꤢ꤭ ꤒꤢ꤬ꤟꤢꤩ꤬꤯ ꤥ꤬ꤘꤣ ꤒꤢ꤬ꤕꤚꤟꤢꤧ꤬ꤕꤚꤟꤢꤧ꤬, ꤢ꤬ꤕꤜꤢꤪꤢ꤬ꤡꤢꤦ꤭ ꤒꤢ꤬ꤗꤟꤢꤨ꤬ꤗꤟꤢꤨ꤬ ꤢ꤬ꤒꤟꤢꤧ꤬ꤕꤣ ꤢ꤬ꤜꤢꤧ꤭ꤒꤥ꤬ ꤓꤛꤣ꤭ ꤊꤤ꤬ ꤊꤢ꤬ꤓꤢꤪ꤬ ꤥ꤬ꤔꤛꤢ꤭ ꤘꤛꤢꤩꤖꤢꤨ ꤒꤟꤢꤧ꤬ꤚꤢꤩ꤬ ꤜꤟꤢꤩꤊꤜꤥ꤭ ꤒꤟꤢꤧ꤬ꤘꤢꤧ꤭ꤒꤟꤢ꤭ ꤥ꤬ꤒꤢ꤬ꤟꤢꤩ꤬ ꤢ꤬ꤋꤢꤨ꤬ ꤔꤛꤣ꤬ꤕꤚꤢꤧ꤯

ꤊꤢ꤬ꤘꤢ꤬ꤚꤢ꤉ꤢ꤬ꤘꤤ꤬ ꤓꤣꤧ꤭(ꤗ) ꤒꤟꤢꤧ꤬ꤚꤢꤩ꤬ ꤢ꤬ꤕꤜꤢꤪ ꤒꤟꤢꤧ꤬ꤘꤢꤧ꤭ꤒꤟꤢ꤭ꤥ꤬ ꤢ꤬ꤊꤜꤛꤢ ꤔꤛꤣ꤬ꤗꤢ꤬ -

꤁ - ꤊꤢꤦ ꤔꤟꤤꤙꤢꤧ꤬ ꤙꤢꤧ꤬ꤙꤢꤦ꤬ꤜꤢ꤭ ꤘꤣ ꤜꤟꤢꤩ ꤘꤣ꤬ꤜꤟꤛꤣ꤭ꤓꤢꤩ꤬ ꤒꤟꤢꤧ꤬ꤚꤢꤩ꤬ ꤒꤟꤢꤧ꤬ꤊꤛꤢ꤭ ꤔꤢ ꤜꤟꤢꤩꤚꤢ꤭ ꤒꤟꤢꤧ꤬ꤚꤢꤩ꤬ ꤒꤟꤢꤧ꤬ꤊꤛꤢ꤭ ꤥ꤬ ꤢ꤬ꤑꤢꤩ꤭꤯

꤂ - ꤥ꤬ꤊꤢ꤬ꤓꤢꤪ꤬ ꤕꤟꤢꤩꤘꤣ ꤓꤛꤢꤩ꤭ꤖꤢꤨꤊꤟꤢꤩꤖꤢꤨ ꤒꤢ꤬ꤊꤛꤢꤩ꤭ ꤓꤛꤣ꤭ ꤗꤟꤢꤩ꤬ꤘꤢꤨ꤬ꤓꤛꤢ꤬ꤜꤣ꤭ ꤒꤟꤢꤧ꤬ꤚꤢ꤭ꤘꤣ ꤢ꤬ꤡꤢꤪꤢ꤬ꤒꤢꤩ꤬ ꤢ꤬ꤗꤟꤢꤑꤢ꤬ ꤒꤢ꤬ꤟꤢꤩ꤬꤯

ꤊꤢ꤬ꤘꤢ꤬ꤚꤢ꤉ꤢ꤬ꤘꤤ꤬ ꤓꤣꤧ꤭(ꤗ) ꤟꤢꤩꤙ꤉ꤤ ꤟꤢꤩꤒꤢ꤬ꤚꤛꤢꤩ꤭ ꤊꤟꤌꤣ꤭ ꤕꤚꤟꤢꤧ꤬ꤘꤣ ꤢ꤬ꤟꤣ ꤊꤟꤌꤣ꤭ ꤒꤟꤢꤧ꤬ꤚꤢꤩ꤬ꤒꤟꤢꤧ꤬ꤊꤛꤢ꤭ ꤛꤢꤩ꤭ꤒꤢ꤬ꤟꤢꤩ꤬ ꤓꤛꤣ꤭ꤚꤢꤪ ꤥ꤬ꤕꤟꤢꤪ ꤗꤛꤢꤏꤢꤦ꤭ ꤘꤣ ꤕꤚꤟꤢꤧ꤬ꤚꤢ꤭ꤞꤢꤨ꤭ ꤟꤛꤢ꤭ꤊꤟꤌꤣ꤭ ꤒꤟꤢꤧ꤬ꤚꤢꤩ꤬ ꤘꤣ꤬ꤑꤢ꤭, ꤒꤟꤢꤧ꤬ꤡ꤉ꤤ꤬ ꤐꤟꤢꤐꤟꤥ꤬ ꤔꤢ ꤕꤚꤟꤢꤧ꤬ꤞꤢꤧꤐꤟꤢꤦ ꤚꤢ꤭ ꤒꤟꤢꤧ꤬ꤚꤢꤩ꤬ ꤒꤢ꤬ꤟꤢꤩ꤬꤮꤯

ꤕꤚꤟꤢꤧ꤬ꤗꤟꤢꤩ꤬ꤓꤢꤩ꤬ - ꤊꤢ꤬ꤘꤢ꤬ꤚꤢ꤉ꤢ꤬ꤘꤤ꤬ ꤓꤣꤧ꤭(ꤗ)

ꤢꤧ꤬ꤘꤤ꤬ꤒꤢ꤬ꤘꤢꤨ꤬ꤜꤣ - ꤋꤢꤨ꤬ꤑꤢꤩ꤭ꤚꤢꤧ꤬ ꤖꤢꤧ꤭ꤘꤢꤨ꤬