|
မွေးနေ့ရှင်ကိုယ်တိုင်က ပါဝင်ဆင်နွှဲနိုင်ခြင်းမရှိသော၊ အနည်းဆုံးအားဖြင့် မွေးနေ့ပွဲအတွက် တစ်စုံတရာသတင်းစကားပင် ပါးခွင့်မရှိသော မွေးနွေ့ပွဲကို ကမ္ဘာတစ်ဝန်းတွင် ကျင်းပခဲ့ကြပါပြီ။ ထိန်းချုပ်ခံထားရသည့်တစ်ဦးတည်းသော နိုဘယ်လ်ဆုရှင် ဒေါ်အောင်ဆန်းစုကြည်၏ မွေးနေ့ပင် ဖြစ်ပါသည်။ မွေးနေ့တွင် ဒေါ်အောင်ဆန်းစုကြည်သည် အကျယ်ချုပ်လွတ်ပါပြီဆိုသော်လည်း နအဖ၏ ထောင်ချောက်ဆင် ဖမ်းဆီးမှုကြောင့် အင်းစိန်ထောင်တွင်းတွင် ထိမ်းသိမ်းခံနေရဆဲ ဖြစ်ပါသည်။...
ဒေါ်စု၏ မွေးနေ့ ဝန်းကျင်တွင် ကေအန်ယူကို ဖိအားပေးတိုက်ခိုက်နေသော အခြေအနေကြောင့် ကရင်ပြည်သူများထွက်ပြေးနေရခြင်းသည်လည်း လှုပ်ရှားနေသော သတင်းတစ်ခု ဖြစ်ပါသည်။ နအဖက ကျောထောက်နောက်ခံပေးထားသော ဒီကေဘီအေ က ကေအန်ယူကို လနှင့်ချီ၍ ထိုးစစ်ဆင်မှုကြောင့် ဌာနေကရင်တိုင်းရင်းသားများမှာ ရွာများ၊ စိုက်ပျိုးလုပ်ကိုင်ထားသော တောင်ယာများကို ပစ်ပြီး တဖက် ထိုင်းနိုင်ငံနယ်စပ်သို့ အသက်လုကာ ထွက်ပြေးနေရပါသည်။ နအဖနှင့် အပြန်အလှန် နိုင်ငံရေး စကားစစ်ထိုးနေသော ထိုင်းကလည်း ထွက်ပြေးတိမ်းရှောင်လာသော ဒုက္ခသည်များကို ယာယီလက်ခံပေးထားသော်လည်း ခိုလှုံခွင့် ပေးမည် မဟုတ်ကြောင်းနှင့် ကရင်တိုင်းရင်းသားများကို ဌာနေရပ်ကို ပြန်ကြရန်သာ စကားပစ်လျက်ရှိသည်။ တကယ်တွင် နယ်စပ်သို့ ထွက်ပြေးရောက်ရှိလာသူများသာ မကသေးပါ၊ တိုင်းရင်းသား နယ်မြေများတွင် ပြင်ပကမ္ဘာကမသိဘဲ အတိဒုက္ခရောက်နေရသူ ဒုက္ခသည်တွေ တပုံတပင်ဖြစ်ပါသည်။ ပြောရရင် မြန်မာပြည်တစ်ခုလုံးသည် နအဖစစ်အုပ်ချုပ်ရေး၏ တရားလက်လွတ် ခြယ်လှယ် ရက်စက် အနိုင်ကျင့်မှုများအောက်တွင် အနည်းနှင့်အများ ဒုက္ခသည်များဟုသာ သတ်မှတ်ရပေတော့မည်။ ရန်ကုန်မြို့ကြီးသည်ပင် မြို့မဟုတ်ဘဲ ထောင်ကြီးတစ်ခုကဲ့သို့ ဖြစ်နေကြောင်း ရည်ညွှန်းပြီး “ရန်ကုန်ထောင်”ဟုပင် စာရေးဆရာများက ကင်ပွန်းတပ်ကြပါသည်။ နယ်စပ်သို့ ထွက်ပြေးနေရသော ကရင်အပါအဝင် တိုင်းရင်းသား ဒုက္ခသည်များအဖို့ ထိုင်းဘက်သို့ရောက်ရှိပြီး ခိုလှုံခွင့်ရခြင်းသည်လည်း အဖြေ မဟုတ်သေးပါ၊ ထို့ အတူ ထွက်ပြေးရောက်ရှိလာသော ကရင်တိုင်းသားများကို ဌာနေပြန်ရန် တွန်းပို့ခြင်းသည်လည်း အဖြေမဟုတ်ပါ။ တိုင်းရင်းသားနယ်မြေများတွင် စစ်ခင်းခြင်း၊ ကျေးရွာများကို မီးရှို့ခြင်း၊ ကျေးရွာလူထုကို ကိုယ်ထိ လက်ရောက် နှိပ်စက် သတ်ဖြတ်ခြင်း၊ တိုင်းရင်းသားများ နယ်မြေကို စွန့်ခွာ ထွက်ပြေးရခြင်းတို့သည် နအဖ က သေနတ်အားကိုး အုပ်ချုပ်နေသရွေ့ကာလပတ်လုံး သံသရာလည်နေဦးမည့် မပြီးနိုင်သော ဖြစ်စဉ်ပင်ဖြစ်သည်။ ဤမပြီးနိုင်သည့် အဆိုးကျော့သံသရာကြီးကို ရပ်တန့်သွားနိုင်ရန်မှာ နအဖ၊ တိုင်းရင်းသားအစုအဖွဲ့များနှင့် အမျိုးသားဒီမိုကရေစီအဖွဲ့ချုပ်အပါဝင် နိုင်ငံရေးပါတီများ၏ သုံးပွင့်ဆိုင် ဆွေးနွေး အဖြေရှာရေး ဖြစ်သည်။ ဤသုံးပွင့်ဆိုင် ဆွေးနွေးရေးသည်သာ ဖြေရှင်းရေး၏ လမ်းစ၊ ပြဿနာများ ပြေလည်ရေး၏ နိဒါန်းသာမက မြန်မာပြည်သူတို့တောင့်တနေသော ဒီမိုကရေစီခေတ်သစ်၏ တံခါးအဖွင့် ဖြစ်နိုင်ပါလိမ့်မည်ဟု ကန္တာရဝတီတိုင်းမ်သတင်းစာက ယုံကြည်ပါသည်။ ထို့ကြောင့် ဒေါ်စု၏ မွေးနေ့မှသည် ထိမ်းသိမ်းခံ ဘဝမှ လွတ်မြောက်၍ မြန်မာနိုင်ငံ၏ ဒီမိုကရေစီလမ်းစဉ်ကို ဖော်ဆောင်နိုင်ပြီး၊ တိုင်းရင်းသားများ လိုလားသည့် ဖက်ဒရယ်လမ်းစဉ်ကို ချမှတ်နိုင်ရန်သာမက၊ ကမ္ဘာ့ဇာတ်ခုံပေါ်တွင် မြန်မာပြည်၏ နိမ့်ကျ သိမ်ငယ်လှသော အခြေအနေကို ဆွဲတင်ပေးရန် ကြိုးပမ်းနိုင်ပါစေကြောင်း ကန္တာရဝတီတိုင်းမ်သတင်းစာက ဆုမွန်ကောင်း တောင်းအပ်ပါသည်။ အယ်ဒီတာ ကန္တာရဝတီတိုင်းမ်သတင်းစာ |
အယ်ဒီတာ့အာဘော် 
