မြန်မာပြည် ဒီမိုကရေစီ ပြုပြင်ပြောင်းလဲလာရေးအတွက် ပြင်ပက မီဒီယာတွေရဲ့ အခန်းကဏ္ဍနဲ့ အရေးပါမှုတို့ကို မီဒီယာလောကတွင် အလုပ်အကျွေးပြုနေသာ ဂျာနယ်လစ်နှင့် အယ်ဒီတာအချို့ကို ကန္တာရဝတီတိုင်း(မ်) သတင်းအယ်ဒီတာ ဒေလီထက်မှ ဆယ်သွယ်ပြီး စုစည်းတင်ပြထားပါသည်။
ဦးတိုးဇော်လတ် - DVB - TV အယ်ဒီတာ
တကယ်တမ်းတော့ ဗမာပြည်ကတော့ တိကျမှန်ကန်ပြီး ဘက်မလိုက်တဲ့ သတင်း မရှိတဲ့ တိုင်းပြည်ပေါ့လေ။ သူက ဘက်တခုထဲကနေပြီးတော့ ယူပြီးတော့ သတင်းဆိုတာထက် ဝါဒဖြန့်ချီရေး ယန္တာယား သူ့ရဲ့ ဝါဒဖြန့်ချီရေး ယန္တာယားလောက်ပဲ ကြည့်တော့ တကယ်တမ်း ဗမာပြည်သူတွေကို ဒီဘက်မှာ တိကျမှန်ကန်ပြီး ဘက်မလိုက်တဲ့ သတင်းကို ပေးနေတဲ့ အဓိက အခန်းကဏ္ဍကိုတော့ အပြင်က မီဒီယာတွေက အဓိက လုပ်ခဲ့တာပဲ။
ဦးအောင်နိုင် - မြန်မာသတင်းစာ ဆရာနဲ့ သင်တန်းဆရာ (သတင်းလောကသို့ ၈ နှစ်ကြာ ဝင်ရောက်ခဲ့ပြီ)
ဒီမိုကရေစီနဲ့ သတင်းလွတ်လပ်ခွင့်ဟာ ခွဲခြားလို့ မရပါဘူး။ ပြင်ပက မီဒီယာတွေမှာက လောလောဆယ်မှာ လွတ်လပ်ခွင့် တစုံတရာ ရှိနေပါတယ်။ လွတ်လပ်တဲ့ မီဒီယာတွေမှလည်း လူထုရဲ့ အဖြစ်မှန် ခံစားချက် အမှန်တွေကို ဖော်ထုတ်ပေးနိုင်သလို စောင့်ကြည့်သူအဖြစ် အာဏာပိုင်တွေရဲ့ မှားယွင်းမှုတွေကိုလည်း ထောက်ပြနိုင်တာ ဖြစ်ပါတယ်။ ဒါကြောင့် ဒီမိုကရေစီ ပြုပြင်ပြောင်းလဲရေး အတွက်ဆိုရင် ပြင်ပက မီဒီယာတွေက တစုံတရာ အတိုင်းအတာအထိ အရေးပါတယ်လို့ ပြောလို့ ရပါတယ်။
ဦးစံမိုးဝေ - အတွင်းရေးမှူး၊ မြန်မာသတင်းသမဂ္ဂ (AFP သတင်းထောက်ဟောင်း)
ခုရေးဆွဲထားတဲ့ အခြေခံဥပဒေအရ ပေါ်ထွက်လာတဲ့ အစိုးရ လက်ထက်မှာ မီဒီယာနဲ့ သတင်းသမားတွေရဲ့ အနေအထားဟာ နယ်းနည်းပိုပြီး လွတ်လပ်လာသလိုလို ထင်ရပေမယ့် ခုလက်ရှိ အခြေအနေထက် ဘာမပိုပြီးထူးလာမှာ မဟုတ်ဘူးလို့ ပြောချင်ပါတယ်။ ဘာလို့လဲဆိုတော့ အဓိက အကျဆုံးဖြစ်တဲ့ လွတ်လပ်စွာ ရေးသားထုတ်ဖေါ်ပြောဆိုပိုင်ခွင့် ဆိုတာကို စကားလုံး လှလှပပ သုံးပြီး သွယ်ဝိုက် ကန့်သတ်ထားလို့ပါ။ (လွတ်လပ်စွာ ရေးသားထုတ်ဖေါ် ပြောဆိုပိုင်ခွင့်ကို ဥပဒေနဲ့အညီ ခွင့်ပြုသွားမှာ ဖြစ်ပါတယ်) လို့ ဆိုထားပါတယ်။
ဘယ်ဥပဒေလဲ၊ ဘာတွေကို ပြောခွင့်ရှိသလဲ၊ ဘာတွေ မပြောရဘူးလဲ မရှင်းမရှင်း ရေးထားပါတယ်။ ဥပဒေဆိုတာက ရှိပြီးသားပဲ ကျူးလွန်ရင် အရေးယူပေါ့ ဥပဒေနှင့်အညီ ခွင့်ပြုမယ်ဆိုတော့ ခွင့်ပြုခွင့်ရဖို့ လိုတယ် ဆိုတဲ့ ကန့်သတ်ချက် ရှိလာတယ် ဘာမှ မထူးဘူး။
ဘယ်ဥပဒေလဲ၊ ဘာတွေကို ပြောခွင့်ရှိသလဲ၊ ဘာတွေ မပြောရဘူးလဲ မရှင်းမရှင်း ရေးထားပါတယ်။ ဥပဒေဆိုတာက ရှိပြီးသားပဲ ကျူးလွန်ရင် အရေးယူပေါ့ ဥပဒေနှင့်အညီ ခွင့်ပြုမယ်ဆိုတော့ ခွင့်ပြုခွင့်ရဖို့ လိုတယ် ဆိုတဲ့ ကန့်သတ်ချက် ရှိလာတယ် ဘာမှ မထူးဘူး။
ကိုကျော်စွာမိုး - စီမံခန့်ခွဲရေး အယ်ဒီတာ (ဧရာဝတီမဂ္ဂဇင်း)
မီဒီယာနဲ့ ပတ်သက်ပြီး ပြောရမယ်ဆိုတော့ ၂ဝ၁ဝ ရွေးကောက်ပွဲနောက်ပိုင်း ပြောရမယ်ဆိုရင်တော့ ပထမဆုံး ပြန်ပြီးတော့ ကြည့်ရမှာက အဲဒီ ၂ဝ၁ဝ ရွေးကောက်ပွဲက ဘယ်လောက်ထိ လွတ်လပ်မလဲ။ ဘယ်လောက်ထိ အတိုက်အခံတွေ တိုင်းရင်းသားပါတီတွေ လွတ်လွတ်လပ်လပ် ပါခွင့်ပေါ်မှာ မူတည်တာပေါ့။ ဆိုတော့ ၂ဝ၁ဝ ရွေးကောက်ပွဲ စစ်မှန်ပြီး တရားမျှတပြီးတော့ အားလုံးပါခွင့် ရမယ်ဆိုရင်တော့ နောက်တက်လာမယ့် အစိုးရဟာ မီဒီယာနဲ့ ပတ်သက်ပြီးလို့ ပိုပြီးတော့ အခုလက်ရှိ အစိုးရထက် ပိုပြီးတော့ လွတ်လပ်ခွင့်တွေ၊ စုရုံးခွင့်တွေ၊ ပြောဆိုခွင့်တွေ လွတ်လပ်စွာ ရေးသားခွင့်တွေကို ပိုရလာလိမ့်မယ်လို့ ကျနော်က ထင်တယ်။ ဒါပေမယ့် ၂ဝ၁ဝ ရွေးကောက်ပွဲက စစ်အစိုးရရဲ့ ထိန်းချုပ်မှု အောက်မှာပဲ လုံးဝလွတ်လွတ်လပ်လပ် ရွေးချယ်ခွင့် မရှိဘူး။ မကျင့်သွားဘူး ဆိုရင်တော့ ကျနော်ထင်တယ် ၂ဝ၁ဝ နောက်ပိုင်း တက်လာမယ့် အစိုးရဟာလဲ လက်ရှိအစိုးရလိုပဲ မီဒီယာကို ဆက်ပြီး ချုပ်ကိုင်ထားအုံးမှာပဲ ဘာမှ ပြောင်းလဲစိတ် မလိုတော့ဘူး ထင်တယ်။
ပြည်ပမီဒီယာရဲ့ အခန်းကဏ္ဍကတော့ အရမ်းအရေးပါတယ်လို့ ထင်တယ်။ ဘာဖြစ်လို့အရေးလဲဆိုတော့ ပြည်တွင်းမှာ စာနယ်ဇင်းတွေ၊ သတင်းလွတ်လပ်ခွင့်တွေကို ပိတ်ပင်ထားတဲ့အတွက်ကြောင့်မို့လို့ ပြည်ပရဲ့ သတင်းဌာနတွေ၊ ရေဒီယို အခန်းကဏ္ဍတွေက ပိုပြီးတော့ အရေးပါတယ်လို့ ထင်တယ်။ ပြည်တွင်းက မီဒီယာတွေ မလုပ်နိုင်တဲ့ဟာကို ပြည်ပက ဝင်ပြီးတော့ ပံ့ပိုးထောက်ပံ့ပြီး လုပ်ပေးနေရတဲ့ ဟာမျိုးတွေ ရှိတယ်။ ဆိုတော့ ပြည်ပမီဒီယာတွေက အရမ်းအရေးပါတယ်လို့ မြင်တယ်လေး။ ဆိုတော့ ပြည်တွင်းမှာ စာပေ လွတ်လပ်ခွင့်၊ သတင်းစာ လွတ်လပ်ခွင့် မရှိသမျှ ကာလပတ်လုံး ပြည်ပရဲ့ မီဒီယာတွေကတော့ အဲဒီအခန်းကဏ္ဍကို ဆက်ပြီးတော့ ဆောင်ရွက်နေရမှာပဲ ထမ်းဆောင်နေရမှာပဲ။ ဒီနေ့မှာ သတင်းတွေ အမှောင်ချထာတယ် ဒါကြောင့်မို့လို့ အဲဒီ မှောင်နေတဲ့ သတင်းတွေကို ဒီဘက်ကနေပြီးတော့ တဖက်လှည့်နဲ့ ယူပြီးတော့ ထုတ်ပေးပြီးတော့ ကမ္ဘာကို သိအောင် လုပ်တယ် ပြည်တွင်းကို ပြန်ပြီး ပို့တယ်။ အဲဒါသတင်းဖြစ်ပျက်မှုကို လှည်ပတ်အောင် လုပ်ပေးနေတာပေါ့လေ။ ပြည်ပရဲ့ သတင်းစာနယ်ဇင်းတွေရဲ့ ဆောင်ရွက်မှုဟာ ပြည်တွင်းရဲ့ ဒီမိုကရေစီစနစ် ပြောင်းလဲမှုပေါ့လေ။ ပြောရမယ်ဆိုရင် အဲဒီလို တစိတ်တဒေတနဲ့ ကျနော်တို့ဘက်နေ ပံ့ပိုးပေးနေရပါတယ်။
ဦးမိုးဇော် - (NMG) သတင်းနှင့် မီဒီယာကွန်ယက် အယ်ဒီတာ
စစ်အစိုးရ အုပ်ချုပ်တဲ့ ကာလတလျှောက်မှာတော့ ပြည်သူတွေရဲ့ လွတ်လပ်စွာ တွေးခေါ်ကြံဆခွင့်တွေ၊ ပြောဆိုရေးသားခွင့်တွေကို ထောက်လှမ်းရေး၊ စာပေစိစစ်ရေး စတဲ့ ယန္တားယားတွေကို အသုံးချပြီး ဖြတ်တောက်ထိန်းချုပ်ခဲ့ပါတယ်။ဒီလို မီဒီယာတွေကို ထိန်းချုပ်တာတွေကြောင့် လူအများစုဟာ ပွင့်လင်းတိုးတက်တဲ့ အသိအမြင်တွေ နဲ့ ဝေဖန်ပိုင်းခြားမှုတွေ အားနည်းခဲ့ရပါတယ်။ ဒါက မတရားမှုတွေ၊ အဂတိလိုက်စားမှုတွေ၊ အကျင့်ပျက် ချစားမှုတွေ လုပ်ဆောင်ဖို့အတွက် လမ်းဖွင့်ပေးလိုက်ပြီး တိုင်းပြည် တပြည်လုံးကို အဖက်ဖက်က ယိုယွင်းကျဆင်းမှုကို ဖြစ်စေပါတယ်။
မီဒီယာကို ထိန်းချုပ်ပြီး တိုးတက်လာနေတဲ့ နိုင်ငံတွေ ရှိကောင်းရှိပါမယ်။ ဒါပေမယ့် ဒီနိုင်ငံတွေမှာ မတရားမှုတွေ၊ အဂတိလိုက်စားမှုတွေ၊ အကျင့်ပျက်ချစားမှုတွေဟာ မီဒီယာလွတ်လပ်ခွင့်ရှိတဲ့ နိုင်ငံတွေထက် ပိုမိုများပြားနေမှာဖြစ်သလို လူတဦးချင်းစီရဲ့ လွတ်လပ်ပျော်ရွှင်မှု ဟာလည်း ကွဲပြားနေမှာ ဖြစ်ပါတယ်။
ဦးသန့် - BBC သတင်းထောက်
[၂ဝ၁ဝ ပြီးနောက်] ပြောင်းလဲမယ့် အနေအထားမှာတော့ ကြီးကြီးကျယ်ကျယ် ကျနော်တို့ မမှန်းပါဘူး။ ဘာဖြစ်လို့လဲဆိုတော့ လက်ရှိ အစိုးရနဲ့ နောက်တက်လာမယ့် အစိုးရဆိုတာ တဆက်ထဲ ဖြစ်တာလေး။ ဖြစ်တယ်ဆိုတော့ ဒီမီဒီယာအပြောင်းအလဲ တချို့တော့ ရှိမယ် သာမန်အခြေအနေပေါ့နော်။ ဥပမာ အဖြစ်အပျက်ပိုင်းတွေကို ဥပမာပြောရမယ်ဆိုရင် နိုင်ငံရေး ပြဿနာ မဟုတ်တဲ့ တရားစီရင်ရေးတို့ အုပ်ချုပ်ရေးတို့ တချို့အပြစ်အနာဆာတွေ ရှိတယ်။ ဥပမာ အခွန်ကောက်တို့ဘာတို့ အဲဒီပြဿနာမျိုးတွေကြတော့ သူတို့ ပွင့်ပွင့်လင်းလင်း ထုတ်ဖော်ပြောကြားလာတဲ့ သဘောမျိုး ရှိချင်ရှိမှာပေါ့နော်။ ဒီနိုင်ငံတော်က ဘာဖြစ်တယ်၊ ဒီဝန်ကြီးချုပ်က ဘာဖြစ်တယ် အဲဒီလို ဝေဖန်မှုမျိုးတွေ ဖြစ်လာမယ်လို့ မထင်ဘူးဗျ။
နန်းဖောဂေ - ကရင်သတင်းစဉ် အယ်ဒီတာ (KIC)
အခုလက်ရှိ စစ်အစိုးရ လုပ်မယ့် ရွေးကောက်ပွဲဟာလည်း အဖြေရလဒ်ကတော့ လူတိုင်း သိတဲ့ အတိုင်းပဲ။ သူတို့က သူဖက်က အပိုင်ပဲ သူတွက်ထားတယ်ဆိုတော့ နောက်တက်လာမယ့် အစိုးရဟာ စစ်တပ် မဟုတ်ပေမယ့် စစ်အုပ်ချုပ်ရေး ဒီထက် တရားဝင် တည်တံ့စေမယ့် အရပ်သား အစိုးရ ပုံစံမျိုးကိုပဲ ရပ်တည်သွားမှာပဲလေ။ ဆိုတဲ့အခါကြတော့ အရောင်အသွင်းလေးပဲ ပြောင်းလိုက်တာလေ။ သူရဲ့ နဂိုပေါ်လစီတွေက အရင်အတိုင်းပဲ ဖြစ်နေမှာပဲ။ ဆိုတဲ့အခါကြတော့ အခုလက်ရှိမှာလည်း မီဒီယာသမားတွေကို စစ်အစိုးရ ဘယ်လိုမှ လွတ်လွတ်လပ်လပ် သတင်းယူခွင့်၊ သတင်းထုတ်ဖော်ခွင့် မပေးတဲ့ အနေအထားပေါ်မှာ ၂ဝ၁ဝ ရွေးကောက်ပွဲ ပြီးသွားလို့ တက်လာမယ့် အစိုးရကြရင်လည်း မီဒီယာသမားတွေကို ဒီလိုပုံစံမျိုးပဲ ထိန်းချုပ်သွားမှာပဲလို့ပဲ အဲလိုမျိုး မြင်တယ်လေ။
ကိုနောင်ဒင် - ကချင်သတင်းဌာနမှ အယ်ဒီတာ
အထဲမှာဆိုရင် မီဒီယာအဖွဲ့အစည်းတွေက တော်တော်များများကတော့ အစိုးရ အာဏာပိုင်တွေရဲ့ တင်းကြပ်မှု အောက်မှာ သူတို့ လုပ်နေရတယ်ဆိုတာ့ တကယ်လူထုတွေရဲ့ ခံစားချက်တွေ ထင်မြင်ယူဆချက်တွေ သူတို့တွေရဲ့ တကယ်လူထုကို ဘယ်ဟာ ခေါင်းဆောင် ဆိုတာ ကောင်းတယ်၊ မကောင်းတယ် ဆိုတဲ့ဟာမျိုးကို ကောင်းကောင်း၊ ရှင်းရှင်းလင်းလင်း သူတို့ကို ရှင်းပြဖို့ အခွင့်အရေးကတော့ ဒီဖက်က မီဒီယာအဖွဲ့တွေက ပိုပြီးမှ များတယ်ဆိုပြီးမှ ကျနော့် အနေနဲ့က မြင်တယ်ပေါ့နော်။ အဲကြောင့် တဖက်ကလည်း ဒီဖက်က မီဒီယာတွေရဲ့ အားနည်းချက် နည်းနည်းပါးပါး ရှိတာကတော့ ကိုယ့်ရဲ့ သတင်း၊ ဥပမာ စာနယ်ဇင်းတို့ အဲလိုမျိုးဟာမျိုးတွေကို အထဲမှာ များများလောက်တော့ မလုပ်နိုင်ဘူး။ အားနည်းချက်တွေတော့ အဲဒါမျိုးတော့ ဒါနည်းနည်း ရှိတာပေါ့။ ဆိုတော့ တချို့ကတော့ ဒီလိုဒီတိုင်းပဲ အဲလိုမျိုး လုပ်တဲ့ဟာမျိုးလည်း ရှိပါတယ်။ ဒါမဲ့ တကယ်တမ်း ပညာဒီမိုကရေစီအတွက် လူထုကို ထိထိရောက်ရောက် ပညာပေးဖို့ဆိုတာ နည်းမျိုးစုံမှာ ကျနော်တို့ကတော့ ဒီသတင်းစာနယ်ဇင်း ထုတ်လုပ်ခြင်း ဘာဖြစ်လဲ။ ထုတ်ဝေခြင်း စာပေတွေကို ထုတ်ဝေခြင်းအားဖြင့် ဘာဖြစ်လဲ လူထုတွေကို ပညာပေး အစီအစဉ်တွေ ရေဒီယိုတွေ တီဗွီတွေကစပေါ့နော့်။ များများလုပ်ရမယ့် အပိုင်းတော့ ရှိတယ်ပေါ့။
ဦးခွန်စိုင်း - သျှမ်းသံတောင်ဆင့် သတင်းဌာနမှ အယ်ဒီတာ
ဒီတော်လှန်ရေး အစိုးရ တက်လာတဲ့ ၁၉၆၂ ခုနှစ်ကတည်းက အခုဆိုလို့ရှိရင် အခုထိ ဆိုလို့ရှိရင် ၄၇ ခုနှစ်လုံးလုံး ဒီစာနယ်ဇင်းနဲ့ ပတ်သက်လို့ သူတို့ ချုပ်ကိုင်လာတာဆိုရင် အခုဆိုရင် ပိုတောင်ဆိုးလာတယ်။ ပိုပြီးမှ လျော့သွာတယ်ဆိုတာ တခါမှ မရှိဖူးပါဘူး။ ကျနော်တို့ ၆၂ ခုလောက်မှာ ကျနော်တို့ လွတ်လားမြောက်လာတာကိုး။ လွတ်လားမြောက်လာတော့ ကျနော်တို့ အဲဒီအချိန်တုန်းက ဆိုလို့ရှိရင် စာတွေများများ တော်တော်များများ ဖတ်နိုင်တာပဲ အဲဒီတုန်းက။ ဒါပေမယ့် အဲဒီအချိန်တုန်းက မဖတ်နိုင်တဲ့ဟာက ဘာလဲဆိုတော့ စော်ဘွားအကြောင်း ရေးတာတို့၊ ဖဒရယ်အကြောင်း ရေးတာတို့ အဲတာတွေပဲ ကျနော်တို့က မရေးလိုက်ဘူးပေါ့။ ဖတ်လည်း မဖတ်နိုင်ဘူး။ သို့သော်လည်းပဲ အဲဒီအချိန်တုန်းက အသိပညာ စာအုပ်တွေဆို တော်တော်များများ ထွက်တယ်ဗျာ။ အဲဒီအချိန်တုန်းက။ တော်တော်လည်း လောက်ပါတယ်။ အဲဒါ ဆိုရှယ်လစ်ခေတ်ပေါ့နော့်။ အခုဆိုလို့ရှိရင်တော့ ဘာမှ မရတော့ဘူး။ အခုဆိုလို့ရှိရင် ဘာစာပဲဖြစ်ဖြစ် ထုတ်ဖို့ သိပ်မလွယ်တော့ဘူး။ ဒီဥစ္စာဟာ အခုခေတ်ပေါ့။ ခင်ဗျားတို့ခေတ် ဆိုလည်း ပြောလို့ ရတယ်ပေါ့နော်။ ဒီမှာ ပိုဆိုတဲ့ ခေတ်ပေါ့။ သို့သော်လည်းပဲ ခင်ဗျားတို့နဲ့ ကျနော်တို့နဲ့ ကွာတာက ဘာလဲဆိုတော့ ကျနော်တို့ ခေတ်မှာဆို့လို့ရှိရင် အဓိကက ရေဒီယို ဖြစ်တဲ့အခါကြတော့ ရေဒီယိုကို နအဖက စစ်အစိုးရ ကိုင်ထားတဲ့အခါကြတော့ ဘာမှ ထိုးဖောက်လို့ မရဘူးပေါ့နော့်။ သူ့ကို တန်ပြန်တိုက်ဖို့ဆိုလည်း မလွယ်ဘူး။
ကမ္ဘာက သူ့အကြောင်းကို သိအောင် လုပ်ဖို့ဆိုလည်း မလွယ်ဘူး။ သို့သော်လည်းပဲ ခင်ဗျားတို့ အခုခေတ် ၁၉၈၈ ခု နောက်ပိုင်း ခေတ်တွေကြတော့ အင်တာနက်တွေ ပေါ်လာတယ်ဗျားနော်။ အင်တာနက်တွေ ပေါ်လာတဲ့အခါကြတော့ ဒီခေတ်မှာကြတော့ သူ့ကို မီဒီယာနဲ့ တိုက်ခိုက်ဆင်ခြေနေတာ ပိုပြီးမှ အရာရောက်လာတယ်ပေါ့ဗျာ။ ပိုပြီးမှ သူ့ထက် ပိုပြီးမှ အစွမ်းထက်လာတယ်လို့ ပြောလို့ ရတယ်ပေါ့နော့်။ အခုဆိုရင်တော့ ခင်ဗျားတို့ ခေတ်မှာ။ ဒါမဲ့ တခုရှိတာကတော့ ဒီ အခု သူတို့ကလည်း သတိထားမိတယ်။ ငါတို့က မီဒီယာနဲ့ အတိုက်အခံနေရပြီးဆိုတာ သူတို့ သိတဲ့အခါကြတော့လည်း သူတို့ကလည်း ငါတို့က မီဒီယာတွေကို မီဒီယာနဲ့ ပြန်တိုက်ရမယ်ဆိုပြီးတော့မှ သူတို့ကလည်း ပြန်ကြိုးစားလာတယ်။ အခုခင်ဗျားကြည့်လိုက် ရေဒီယိုဆိုလို့ရှိရင် အရင်တုန်းက တိုက်ရင်းသား အစီအစဉ်ဆို ၁၅ မိနစ်လောက်ပဲ ရှိတယ်နော်။ နောက်ပိုင်းကြတော့ နာရီဝက် တိုးလာတယ်။ နောက်ပိုင်းကြတော့ ၄၅ မိနစ် တိုးလာတယ်။ အခုဆိုလို့ရှိရင် ၁ နာရီအထိ တိုးလာတယ်နော်။ အဲလိုမျိုးတိုးလာတဲ့အခါကြတော့ ဒီအခြေအနေမှာ ဒီကျနော်တို့က တိုင်းရင်းသား အစီအစဉ် ဖြစ်တယ်ဆိုတာ တပတ်မှာ တခါပဲ ရှိတယ်။ ဒါမဲ့ တပတ်တခါကလည်း ၁၅ မိနစ်ပဲ ရှိတယ်ဆိုတဲ့ အခါကြတော့ အဲဒီဟာကတော့ ကျနော့်တို့က ပြန်ပြီးတော့မှ နောက်ကျနေတယ်ဗျား။ အဲဒီတော့ အခုအခြေအနေမှာ ဆိုလို့ရှိရင် ကျနော်တို့က နအဖ နောက်ပြန်ရောက်သွားတဲ့ အပိုင်းတွေ ရှိတယ်ပေါ့ဗျာ။ ဒါကြောင့်မို့လို့ သူတို့ကို မီအောင် ပြန်လိုက်ဖို့ ဆိုလို့ရှိရင် ဒီဥစ္စာဟာ ပြောင်းဖို့ အခြေအနေ ရောက်နေပြီပေါ့။ ကျနော်တို့လည်း အနည်းဆုံးတနေ့ ၁ နာရီ မရတောင်မှ တနေ့ ၁၅ မိနစ် မှန်မှန် ထွက်နိုင်လို့ရှိရင် ကျနော်တို့ တောင်တောင်ကြီးကို ထိရောက်မယ်လို့ ကျနော် ထင်တယ်ပေါ့ဗျာ။
ပြည်တွင်းမှ သတင်းစာနယ်ဇင်း အယ်ဒီတာတဦး
ပြည်ပ အခြေစိုက် မီဒီယာတွေရဲ့ အခန်းသဏ္ဍဟာ မြန်မာ့အရေး သတင်းစီးဆင်းမှုမှာ အများကြီး အရေးပါပါတယ်။ ပြည်တွင်းမှာ ဆင်တာ တင်းကြပ်ပြီး ကဏ္ဍစုံမှာ သတင်းကို မှန်ကန်လွတ်လပ်စွာ ဖော်ပြခွင့်မရတဲ့ အခြေအနေမှာဒီတာဝန်ကို မျှပြီး ဝင်ထမ်းဆောင်ပေးရတာ ပြည်ပအခြေစိုက် မြန်မာမီဒီယာများရဲ့ အခန်းကဏ္ဍလို့ မြင်မိပါတယ်။ ပြီးတော့ နအဖရဲ့ တစ်ဖက်သတ် နိုင်ငံပိုင်မီဒီယာတွေနဲ့ ဝါဒဖြန့်နေတာကို တန်ပြန်ဖို့ ပြည်ပအခြေစိုက် မီဒီယာတွေက အရေးကြီးတဲ့ နေရာက ရပ်တည်နေကြတယ်လို့ မြင်ပါတယ်။
မိကျဲဂို - စီမံခန့်ခွဲရေး အယ်ဒီတာ (IMNA)
မီဒီယာရဲ့ လွတ်လပ်မှုကို မြန်မာစစ်အစိုးရ ဘယ်လိုချူပ်ကိုင်ထားသလဲဆိုတော့ ကျမတို့ ဒေသမှာတော့ ဆက်သွယ်ရေးနဲ့ ပတ်သတ်ပြီး ချူပ်ကိုင်ထားတာ ရှိတယ်။ မွန်ဒေသမှာ အများအားဖြင့် ထိုင်းကော်လက်ဖုန်းကို အသုံးပြုကြတာများ တယ်။ တကယ်လို့ ကိုယ်က အဲဒီဖုန်းတွေ ဆက်သွယ်မေးမြန်းမယ့် အချိန်မှာ အနီးအနာက ရေဒီယို၊ တီဗွီဖွင့်ထားမယ်ဆိုရင် ဖုန်းထဲမှာ ဘာတွေ ပြောလဲဆိုတာ အကုန်လုံး ကြားရတယ်။ မွန်တောင်ပိုင်းဒေသမှာဆိုရင် ကျေးရွာအတွင်းကို လူစိမ်းဝင်သွားလို့ရှိရင် အာဏာပိုင်တွေရဲ့ စောင့်ကြည့်မှုကို ခံရတယ်။ အဲဒီဒေသမှာ ရှိတဲ့ သတင်းဖြစ်တဲ့ နေရာတွေကို သွားရောက်ဖို့က အရမ်းခက်ခဲတယ်။ လမ်းပန်းဆက်သွယ်ရေးရော မြန်မာစစ်တပ်တွေရဲ့ စစ်ဆေးမှုတွေကြောင့် အရမ်းခက်ခဲတယ်။
ကျမတို့လို ပြည်ပ အခြေစိုက်ပြီး ပြည်တွင်းမှာ သတင်းလိုက်နေတဲ့ သတင်းထောက်တွေအတွက် မီဒီယာ လွတ်လပ်ခွင့် မရှိတဲ့အတွက် ကိုယ့်ကိုကိုယ် မွန်သတင်းထောက် အနေနဲ့ ပေါ်ပေါ်ထင်ထင် လုပ်ပိုင်ခွင့် မရှိဘူး။ မွန်သတင်းထောက် အနေနဲ့ သတင်းသွားယူတာလည်း မရဘူး။ ဘာဖြစ်လို့လဲဆိုရင် ဥပမာပြောရရင် မော်လမြိုင် အောက်ဈေးကြီးမီးလောင်တဲ့ အခင်းဖြစ်ပွားတဲ့ နေရာမှာ ကင်မရာကိုင်ပြီး ဓာတ်ပုံရိုက်လို့ရှိရင် အာဏာပိုင်တွေက စစ်ဆေးမေးမြန်းမှုတွေ ခံရတယ်။ စောင့်ကြည့်မှုတွေ ခံရတယ်။ ပြည်တွင်းမီဒီယာကျတော့လည်း စစ်အစိုးရရဲ့ ဆင်ဆာအဖွဲ့ကို ဖြတ်သန်းပြီး ခွင့်ပြုချက်ရတဲ့ သတင်းတွေပဲ သတင်းစာထဲ ဖော်ပြခွင့် ရှိတယ်။
ကျမတို့လို ပြည်ပ အခြေစိုက်ပြီး ပြည်တွင်းမှာ သတင်းလိုက်နေတဲ့ သတင်းထောက်တွေအတွက် မီဒီယာ လွတ်လပ်ခွင့် မရှိတဲ့အတွက် ကိုယ့်ကိုကိုယ် မွန်သတင်းထောက် အနေနဲ့ ပေါ်ပေါ်ထင်ထင် လုပ်ပိုင်ခွင့် မရှိဘူး။ မွန်သတင်းထောက် အနေနဲ့ သတင်းသွားယူတာလည်း မရဘူး။ ဘာဖြစ်လို့လဲဆိုရင် ဥပမာပြောရရင် မော်လမြိုင် အောက်ဈေးကြီးမီးလောင်တဲ့ အခင်းဖြစ်ပွားတဲ့ နေရာမှာ ကင်မရာကိုင်ပြီး ဓာတ်ပုံရိုက်လို့ရှိရင် အာဏာပိုင်တွေက စစ်ဆေးမေးမြန်းမှုတွေ ခံရတယ်။ စောင့်ကြည့်မှုတွေ ခံရတယ်။ ပြည်တွင်းမီဒီယာကျတော့လည်း စစ်အစိုးရရဲ့ ဆင်ဆာအဖွဲ့ကို ဖြတ်သန်းပြီး ခွင့်ပြုချက်ရတဲ့ သတင်းတွေပဲ သတင်းစာထဲ ဖော်ပြခွင့် ရှိတယ်။
ဦးနိုင်ကစော့မွန် BNI (Burma News International) ဥက္ကဌ
ဒီမီဒီယာအပေါ်မှာ ချုပ်ကိုင်ထားမှုပေါ့နော်။ သတင်းလွတ်လပ်မှု နောက်လွတ်လပ်စွာ ပြောဆိုရေးသား ပိုင်ခွင့်တွေက လွန်ခဲ့တဲ့ ပြီးခဲ့တဲ့ စစ်အစိုးရက ၁၉၆၂ ခုနှစ် ကတည်းက ဒီဗမာ့ စစ်ဆင်ရေး လမ်းစဉ်ပါတီပေါ့နော့်။ ဟိုတုန်းကတော့ တော်လှန်ရေး ကောင်စီ၊ တော်လှန်ရေး ကောင်စီပြီးတော့ မြန်မာ့စစ်ဆင်ရေးလမ်းစဉ် ပါတီလက်ထက်ကနေကတည်းက သူတို့က ထိန်းချုပ်ထားတာ ရှိပါတယ်။ နောက်ပြီးတော့ ၁၉၈၈ ခုနှစ် ဒီ(၈၈၈၈) ရှစ်လေးလုံး အရေးတော်ပုံကတော့ ၁ လ ပတ်ဝန်းကျင်ပေါ့နော်။ အဲဒီမှာ သတင်းစာ လွတ်လပ်မှုတွေ သတင်းစာပေါ်မှာ လွတ်လွတ်လပ်လပ် ရေးသားမှုတွေ ခဏလောက် ပေါ်ပေါက်ခဲ့တယ်။ အဲဒါက ကျနော်တို့ ဒီသမိုင်းရဲ့ အမှတ်တရ ကာလတခုပေါ့နော်။ ဒါပေမဲ့ ဒီနောက်ပိုင်းကျတော့ နိုင်ငံတော် ဖွံ့ဖြိုးရေးနဲ့ ပြည်နယ်များ ကောင်စီလက်ထက်ရယ် ပြီးရင် နိုင်ငံရေး နိုင်ငံတော် ငြိမ်ဝပ်ပိပြားရေးကောင်စီ လက်ထက်မှာတော့ သတင်းစာ လွတ်လပ်ခွင့်တွေ မရှိခဲ့ဘူး။ ပြီးရင် သတင်းစာ အပေါ်မှာ ဖိနှိပ်ခဲ့တယ် နောက်ပြီးတော့ သတင်းထောက်တွေကိုလည်း ဖမ်းဆီးချုပ်နှောင်မှုတွေ အများကြီး လုပ်ခဲ့တယ်။ ဒါကတော့ ခုချိန်ထိ ဗမာပြည်ထဲမှာ သတင်းစာတွေ ဂျာနယ်တွေ ရှိတယ် ဆိုသော်ငြားလည်း ဒါကတော့ လွတ်လွတ်လပ်လပ်နဲ့ အစိုးရတွေ ဝေဖန်ပိုင်ခွင့်တွေ မရှိဘူး။ နောက်အစိုးရရဲ့ နိုင်ငံရေး၊ စီးပွားရေး အမြင်တွေ၊ လူမှုရေး အမြင်တွေ အပေါ်မှာ လုပ်ဆောင်နေတဲ့ အကောင်အထည်ပေါ် လုပ်ဆောင်နေတာ လုံးဝဝေဖန်ပိုင်ခွင့် မရှိဘူး။ ဒါပေမဲ့ သူတို့ကတော့ တခြားအစိုးရနဲ့ မဆိုင်တဲ့ ကိစ္စတွေပဲ ရေးသားပိုင်ခွင့် ရှိတယ်။ အဲဒီ ရေးသားမှုတွေ အပေါ်မှာလည်း သူတို့က ထင်သလိုပေါ့နော်။ စိတ်တိုင်းကျ ရေးသားနိုင်တာ မရှိတာ တွေ့ရတယ်။
ခုဆိုရင်တော့ လူတွေက ဗမာပြည်ထဲမှာ သတင်းစာ လွတ်လပ်မှု ရှိသယောင်ယောင် ပြောနေကြတယ်။ နောက်ပြီးတော့ သတင်းစာတွေလည်း ထုတ်နိုင်ပါတယ်။ ဂျာနယ်တွေလည်း များကြီးရှိနေပါပြီ။ သတင်းမီဒီယာ ဗမာပြည်ထဲမှာ ခေတ်စားနိုင်ပြီလို့ တချို့လူတွေက အဲလိုမျိုး မှားယွင်းပြီးတော့ တွက်ချက်တာမျိုးတွေ ရှိပါတယ်။ ဒါပေမဲ့ ကျနော့် အမြင်ပြောရမယ်ဆိုရင်တော့ ဒီသူတို့ လက်ရှိ ဖြစ်ပေါ်နေတဲ့ အခြေနေအပေါ်မှာ ဒီဗမာပြည်ထဲမှာ သတင်းစာတွေ စာနယ်ဇင်း တချို့တွေ ထုတ်ဝေနိုင်လောက်ရုံနဲ့ ဒါကတော့ သတင်းလွတ်လပ်ခွင့် ရှိပြီလို့ ကျနော်တို့ ပြောလို့ မရသေးဘူး။ ပြည်ထဲမှာ ရှိနေတဲ့ သတင်းထောက်တွေရဲ့ လွတ်လပ်စွာ ရေးသားနိုင်ခွင့် လွတ်လပ်စွာ သတင်း ရယူခွင့်တွေနဲ့ မဖြတ်တောက်ပဲနဲ့ မိမိသတင်းတွေ မိမိတင်ပြချက်တွေ လွတ်လပ်စွာ တင်ပြပိုင်ခွင့် ရှိမှသာလျင် ဒါဟာ သတင်းစာ သတင်း လွတ်လပ်မှု ပြည့်ပြည့်စုံစုံ ရနိုင်မယ်။
ကိုခိုင်မြတ်ကျော် - အယ်ဒီတာ (နိရဉ္စရာ သတင်းဌာန ဒက္ကား၊ ဘင်္ဂလာဒေ့ခ်ျ)တိုင်းပြည်တိုင်းမှာ လွတ်လပ်စွာ ရေးသားထုတ်ဖေါ်တင်ပြပိုင်ခွင့် (Freedom of Expression) ရှိသင့်တယ်လို့ ယူဆပါတယ်၊။ မီဒီယာနဲ့ ပတ်သက်လာရင်လည်း ဒီအတိုင်းပါပဲ။ ၂ဝ၁ဝ ခုနှစ် ရွှေးကောက်ပွဲပြီးလို့ တက်လာတဲ့ အစိုးရဟာ အနာဂတ်မှာ မြန်မာနိုင်ငံကို ဒီမိုကရေစီ လမ်းကြောင်းပေါ်ကို တင်ပေးမယ့် အစိုးရ၊ ဒီမိုကရေစီကို လေးစားအသိအမှတ်ပြုတဲ့ အစိုးရ ဆိုရင်တော့ မီဒီယာနဲ့ သတင်းသမားတွေကို သူတို့ လွတ်လပ်ခွင့် ပေးပါလိမ့်မယ်။ ဘာဖြစ်လို့လည်း ဆိုတော့ သတင်းမီဒီယာ လွတ်လပ်ခွင့် မရှိတဲ့ တိုင်းပြည်မှာ ဒီမိုကရေစီ မရှိနိုင်သလို ဒီမိုကရေစီ မရှိတဲ့ တိုင်းပြည်တွေမှာလည်း သတင်းမီဒီယာ လွတ်လပ်ခွင့်ဆိုတာ မရှိပါဘူး။ ဒါကြောင့် ၂ဝ၁ဝ ခုနှစ် ရွှေးကောက်ပွဲပြီးလို့ တက်လာတဲ့ အစိုးရဟာ မြန်မာနိုင်ငံကို ဒီမိုကရေစီ လမ်းကြောင်းပေါ်သို့ ရောက်ရှိစေလိုတယ်ဆိုရင် သူတို့ အနေနဲ့ မီဒီယာတွေကို လွတ်လပ်ခွင့် ပေးပါလိမ့်မယ်။